سفاری زو میں پہلی بار نائٹ سفاری کیمپنگ کا انعقاد

پاکستان ٹوڈے: سیاحت کے فروغ کیلئے اقدامات۔۔۔سفاری زولاہور میں پہلی بار نائٹ سفاری کیمپنگ کا انعقاد

تفصیلات کے مطابق جنگلات اور جنگلی حیات پر تحقیق اور زولوجیکل کے طلبا، محققین نے جنگلی جانوروں اور پرندوں کی حرکات وسکنات ، ان کے سماجی رویوں کا مشاہدہ کرنے کیلئے لاہورسفاری زو میں نائٹ سفاری کیمپنگ کا انعقاد کیا گیا،

جس میں پنجاب وائلڈلائف کے ماہرین سمیت پنجاب یونیورسٹی کے زولوجیکل ڈیپارٹمنٹ کے سربراہ پروفیسر ذوالفقار علی اور ماہرجنگلات وجنگلی حیات بدرمنیرسمیت چڑیاگھروں اور جنگلی حیات سے متعلق انٹرن شپ کرنیوالے طلبا وطالبات نے شرکت کی۔

سفاری کیمپنگ کا انعقاد ہجرت کرنیوالے پرندوں کے عالمی دن کی مناسبت سے کیا گیا ۔ نائٹ سفاری کیپمنگ کے دوران شرکا کو ناصرف جنگلی حیات کے رات کے وقت سماجی رویوں ، باہمی برتاؤ،ان کی حرکات وسکنات دیکھنے کا موقع ملا،

بلکہ انہیں جنگی حیات سے متعلق بنائی گئی مختلف دستاویزی فلمیں بھی دکھائی گئیں۔

شرکا کو جنگلی جانوروں کو علاج معالجے اور معائنے کیلئے پکڑنے کے مختلف طریقوں سے بھی آگاہ کیا گیا۔اس موقع پرنامور وائلڈ لائف کنزرویٹر بدر منیر نے جنگلی حیات سے متعلق بتایاکہ ہجرت کرنیوالے پرندوں اور دیگر جنگلی حیات کی انواع کی کس طرح کے مسائل اورخطرات درپیش ہیں ۔