سنگاپور کے ایئرپورٹ پر پاسپورٹ کلیئرنس کا اصول ختم

سنگاپور جانیوالے مسافروں کیلئے اہم خبر،چانگی انٹرنیشنل ایئرپورٹ پر پاسپورٹ کلیئرنس کا اصول ختم شد، سنگاپور کے چانگی ایئرپورٹ کے تمام ٹرمینلز پر کلیئرنس کیلئے اب پاسپورٹ کی ضرورت ختم کردی گئی ہے۔
ذرائع کے مطابق سنگاپور کے چانگی ایئرپورٹ پر تمام ٹرمینلز سے کلیئرنس کیلئے بائیو میٹرک کا قانون مکمل طور پر لاگو ہو چکا ہے، جس کی وجہ سے کلیئرنس کیلئے درکار اوسط وقت اب صرف 10 سیکنڈز کا ہو گا۔
امیگریشن اینڈ چیک پوائنٹس اتھارٹی (آئی سی اے) کی جانب سے کہا گیا ہے کہ سنگاپور کے شہری اپنے پاسپورٹ دکھائے بغیر چہرے اور ایرس کے بائیو میٹرکس کا استعمال کر کے امیگریشن کلیئر کر سکتے ہیں۔
آئی سی اے نے مزید کہا کہ تمام غیر ملکی سیاح بھی سنگاپور سے روانہ ہونے پر پاسپورٹ کے بغیر کلیئرنس کی سہولت سے لطف اندوز ہو سکیں گے۔تاہم سنگاپور پہنچنے والے غیر ملکیوں کو اب بھی پاسپورٹ دکھانے کی ضرورت ہو گی اور انہیں مشورہ دیا جاتا ہے کہ سفر کرتے وقت پاسپورٹ اپنے ساتھ رکھیں۔