سونےکی قیمت میں ہزاروں روپےکااضافہ

مقامی مارکیٹ میں دوروزکمی کےبعدسونےکی قیمت میں ہزاروں روپےکااضافہ ہوگیا۔
سوناخریداروں کےلئے بُری خبر،مقامی وعالمی مارکیٹ میں سونےکی قیمت میں بڑااضافہ ہوگیا۔ سونے کی فی تولہ قیمت میں 2000 روپے کا اضافہ ہونےسےسونا 2 لاکھ 62 ہزار 100 روپے فی تولہ ہوگیا10 گرام سونے کی قیمت میں 1714 روپے کا اضافہ ہونےسے10 گرام سونا 2 لاکھ 24 ہزار 708 روپے پر پہنچ گیا۔
عالمی مارکیٹ میں سونا 22 ڈالر کے اضافے سے 2503 ڈالر فی اونس کا ہوگیاجبکہ چاندی کی فی تولہ قیمت 2 ہزار 900 پر مستحکم رہی۔
واضح رہےکہ گزشتہ روز سونے کی فی تولہ قیمت میں 1400 روپے کی کمی ہونےسےسونا 2 لاکھ 60 ہزار 100 روپے فی تولہ ہوگیاتھا10 گرام سونے کی قیمت میں 1200 روپے کی کمی ہونےسے10 گرام سونا 2 لاکھ 22 ہزار 994 روپے کا ہوگیا تھا۔
یادرہےکہ گزشتہ روزعالمی مارکیٹ میں سونا 17 ڈالر کی کمی سے 2481 ڈالر فی اونس کا ہوگیا تھاجبکہ چاندی کی فی تولہ قیمت 50 روپے کی کمی سے 2 ہزار 900 روپے ہوگئی تھی۔