سکولوں میں سمارٹ لیب بنانے کیلئے 2 لاکھ کروم بکس خریدنے کا فیصلہ

طلبا و طالبات کیلئے بڑی خوشخبری، سرکاری سکولوں میں تعلیمی انقلاب لانے کی تیاری، سرکاری تعلیمی اداروں میں سمارٹ لیب بنانے کیلئے 2 لاکھ کروم بکس خریدنے کا فیصلہ،سکول ایجوکیشن ڈیپارٹمنٹ نے سرکاری سکولوں میں سمارٹ لیب بنانے کیلئے 2 لاکھ کروم بکس لینے کا فیصلہ کر لیا۔
آؤٹ آف سکولز بچوں سمیت 2 لاکھ سے زائد طلبا کے ڈیجیٹل آئی ڈی بنا کر انہیں انٹرنیٹ سیفٹی ٹولز اور ڈیجیٹل لرننگ فراہم کی جائے گی۔ کروم بک سے 2 لاکھ بچوں کوجمنی کے تعاون سے ڈیجیٹل لرننگ ٹولز سکھائے جائیں گے۔آؤٹ آف سکولز چلڈرن کے فری ڈیجیٹل آئی ڈیز بنائے جائیں گے، آؤٹ آف سکولز چلڈرن کو آئی ڈیز کے ذریعے کروم بک تک رسائی بھی دی جائے گی، پانچ لاکھ اساتذہ کو کروم بک کے ذریعے مفت گوگل سرٹیفکیشن فراہم کی جائیں گی۔
اساتذہ گوگل سرٹیفکیٹ حاصل کرنے کے بعد دوسرے اساتذہ کو تربیت فراہم کریں گے، اساتذہ اورطلبا و طالبات کو آرٹی فیشل انٹیلی جینس سیکھانے کیلئے گوگل فار ایجوکیشن اور پنجاب ایجوکیشن فاؤنڈیشن کے مابین معاہدہ بھی طے پا گیا ہے۔