سکولوں میں یکم جون سے تعطیلات، اوقات کار بھی تبدیل

پاکستان ٹوڈے: طلبا کیلئے خوشخبری، سکولوں کے بچوں کی موجیں لگ گئیں ۔

تفصیلات کے مطابق پنجاب کےسکولوں میں یکم جون سے موسم گرما کی تعطیلات کے اعلان کیساتھ اوقات کار بھی تبدیل کر دئیے گئے ۔۔۔ محکمہ سکول ایجوکیشن نے موسم گرما کی چھٹیوں کا نوٹیفکیشن جاری کر دیا۔

نوٹیفکیشن کے مطابق صوبے بھر میں تمام نجی و سرکاری سکولوں میں یکم جون سے چھٹیاں ہوں گی اور 14 اگست تک تمام تعلیمی ادارے بند رہیں گے، فیصلے کا اطلاق تمام نجی و سرکاری سکولوں پر ہوگا۔ موسم گرما کی تعطیلات کے بعد 15 اگست سے سکولوں میں تعلیمی سرگرمیوں کا آغاز ہوگا۔

اس نوٹیفکیشن کیساتھ ہی ملک بھر میں گرمی میں اضافے کے باعث سکولوں کے اوقات کار میں تبدیلی کر دیے گئے ہیں۔محکمہ سکول ایجوکیشن کے مطابق پیر سے جمعرات تک سکولوں کا آغاز 7 بجے ہوگا جبکہ چھٹی ساڑھے 11 بجے ہوگی، جمعے کے روز چھٹی ساڑھے 10 بجے ہو گی۔