سیاحت کے فروغ کا سلسلہ ،میزبان پروگرام جلد شروع کرنے کا فیصلہ

سیاحت کے فروغ کا سلسلہ ،خیبرپختونخوامیں میزبان پروگرام جلد شروع کرنے کا فیصلہ، سیاحت سے منسلک افراد میزبان پروگرام کے تحت مہمان نوازی کر سکیں گے۔
خیبرپختونخوا کلچراینڈٹورازم اتھارٹی کے میزبان پروگرام میں منتخب افراد نا صرف سیاحوں کیلئے اپنے گھروں میں کمروں کو تیار کریں گے، بلکہ صوبائی حکومت ان کیلئے مکمل ٹریننگ پروگرام بھی متعارف کروارہی ہے، جس کے تحت سیاحت کے اس شعبے سے منسلک افراد اپنے گھروں میں بہترین انداز میں مہمان نوازی کر سکیں گے۔
ان خیالات کا اظہار ڈائریکٹر ایڈمن و فنانس خیبرپختونخوا کلچراینڈٹورازم اتھارٹی عمر خان نے این پی پی فاؤنڈیشن کے ساتھ کانفرنس روم میں منعقدہ اجلاس کے دوران کیا۔ اس موقع پر چیف ایگزیکٹیو آفیسر ماریہ حنا، منیجر ایونٹس محمد علی سید، منیجر پروکیورمنٹ ذیشان مجیداور دیگر موجود تھے۔
خیبرپختونخوا کلچراینڈٹورازم اتھارٹی اور غریب ضرورت مند فاؤنڈیشن کے تعاون سے مستقبل میں میزبان سیاحتی پروگرام میں منتخب افراد کیلئے سیاحتی سیکٹر اور سوشل میڈیا کے ذریعے اپنے کاروبار کو فروغ دینے سے متعلق ٹریننگ پروگرام ترتیب دے گی ۔جس میں ہوم سٹے میں کس طریقے سے سیاحوں کو سہولیات فراہم کی جائیں گی، بلکہ اس کے ساتھ ان کو اپنے گھر سے دور گھر جیسا ماحول بھی میسر ہوگا۔