شادی سے گھبرانا نہیں،اداکارہ ماہم عامرنےلڑکیوں کومشورہ دیدیا

پاکستان شوبزانڈسٹری کی خوبرواداکارہ ماہم عامرنےلڑکیوں کوشادی کےبارےمیں اہم مشورہ دےدیا۔
معروف اداکارہ ماہم عامر نے ایک ٹی وی پروگرام میں انٹرویو کے دوران نوجوان لڑکیوں کو شادی کے حوالے سے اہم مشورہ دیا ہے۔ماہم عامر کا کہنا تھا کہ لڑکیوں کو شادی سے گھبرانا نہیں چاہیے کیونکہ شادی ایک بہت خوبصورت رشتہ ہے، بشرطیکہ اسے سمجھداری اور سلیقے سے نبھایا جائے۔
انہوں نے کہا کہ ہماری سوسائٹی کا مسئلہ یہ ہے کہ ہم شادی یا کسی بھی تعلق کے بارے میں پہلے ہی سے ذہن میں منفی خیالات قائم کر لیتے ہیں کہ شادی کے بعد فلاں مسئلہ ہوگا یا کچھ اور بدل جائے گا، حالانکہ ہر رشتہ زندگی کی طرح اتار چڑھاؤ سے گزرتا ہے، اور یہی نشیب و فراز رشتوں کو مضبوط کرتے ہیں۔
اداکارہ نے مزید کہا کہ اگر کوئی ایسا شخص زندگی میں آئے جو عزت اور محبت دے، تو اس سے شادی کرنے میں ہچکچاہٹ نہیں ہونی چاہیے، کیونکہ ایسے تعلقات ہی زندگی کو خوبصورت بناتے ہیں۔