شادی کیسےہوگی:رشتےکی بات چلتی ہےتوپولیس گھرآجاتی ہے،کنگنارناوت

بھارتی اداکارہ وسیاستدان کنگنارناوت نےکہاکہ ہےبدنام اتنا کیا ہوا ہے کہ شادی کیسےہوگی۔عدالتی کیسز ہی اتنے ہیں، جیسے ہی کسی سے رشتے کی بات چلتی ہے تو پولیس گھر آجاتی ہے اور اٹھاکر لے جاتی ہے۔
بالی ووڈکی اداکارہ وبھارتی سیاستدان کنگنارناوت نےحال ہی میں ایک بھارتی شومیں شرکت کی جہاں پراداکارہ سےمختلف قسم کےسوال وجواب کےساتھ اُن کی ذاتی زندگی بارےبھی سوال پوچھےگئے۔
شوہوسٹ نےکنگنارناوت سےسوال کیاکہ وہ شادی سےمتعلق کیارائےرکھتی ہیں۔جس کاجواب دیتےہوئےاداکارہ نےبتایاکےمیرےبارےمیں اس قدرمنفی تشہیرکی جاتی جس کی وجہ سےشادی نہیں ہوپارہی کیونکہ جیسےہی کوئی رشتہ دیکھنےکےلئے آتےہیں یاکسی سےبات چلتی ہےتومسائل پیداکردئیےجاتےہیں۔
گفتگوکوجاری رکھتےہوئےاداکارہ کامزیدکہناتھاکہ شادی سے متعلق میرے خیالات بہت اچھے ہیں، میرا ماننا ہے کہ ہر انسان کو ایک ساتھی کی ضرورت ہوتی ہے۔ ’ مجھے لگتا ہے کہ بچے ہونے چاہیے لیکن مجھے لوگوں نے اتنا بدنام کیا ہوا ہے کہ میری شادی نہیں ہونے دیتے ، صرف عدالتی کیسز ہی اتنے ہیں، جیسے ہی کسی سے رشتے کی بات چلتی ہے تو پولیس گھر آجاتی ہے اور اٹھاکر لے جاتی ہے‘۔
کنگناکاکہناتھاکہ میرےساتھ ایک بارایساہواکےلڑکےکےماں باپ مجھےدیکھنےکےلئےآئےہوئےتھےکہ ساتھ ہی عدالت سےپیشی کاحکم بھی آگیاجس کودیکھ وہ فوراًواپس چلےگئے۔
یاد رہے کہ کنگنا رناوت نے بھارت کے عام انتخابات میں بی جے پی کے ٹکٹ پر مندی سے لوک سبھا کا الیکشن لڑا اور کانگریس کے امیدوار کو شکست دی۔
سیاست میں قدم رکھنے کے بعد پہلی مرتبہ الیکشن میں حصہ لیتے ہی اداکارہ نے 5 لاکھ 37 ہزار 2 ووٹ حاصل کرکے کامیابی حاصل کی تھی۔