ضمنی بلدیاتی انتخابات:23میں سے17نشستوں پرپیپلزپارٹی نےمیدان مارلیا

سندھ کے11اضلاع میں ضمنی بلدیاتی انتخابات میں پیپلزپارٹی نے23میں سے 17نشستیں جیت کرواضح اکثریت حاصل کرلی۔
غیرحتمی اورغیرسرکاری نتائج کے مطابق شہرقائدکراچی کے5ضمنی بلدیاتی انتخابات میں سے 4 نشستوں پرپیپلزپارٹی کےامیدوارکامیاب قرارپائے۔ جبکہ ایک سیٹ جماعت اسلامی کےحصےمیں آئی۔
غیرحتمی اور غیر سرکاری نتائج کےمطابق پیپلزپارٹی کی امیدوارشہنیلا عامر ضلع غربی، ٹی ایم سی اورنگی، یوسی ون میں چیئرمین کی نشست پر3 ہزار 801 ووٹ لیکر چیئرپرسن منتخب ہوگئیں جبکہ تحریک لبیک کے محمد علی ایک ہزار 787 ووٹ لیکر دوسرے نمبر پر رہے۔
ضلع غربی ٹی ایم سی منگھوپیر، یوسی 10 میں وائس چیئرمین کی نشست پر پیپلز پارٹی کے اسٹیفن مسیح 891 ووٹ لیکر کامیاب قرار پائے جبکہ اے این پی کے احسن اللہ 324 ووٹ لیکر دوسرے نمبر پر رہے۔
ضلع کیماڑی یو سی 8، ٹی ایم سی بلدیہ میں وائس چیئرمین کی نشست پر پیپلز پارٹی کے محمد فیصل 3 ہزار 132 ووٹ لیکر کامیاب ہوئے جبکہ آزاد امیدوار حسنین چوہان ایک ہزار 84 ووٹ لیکر دوسرے نمبر پر رہے۔
غیرحتمی اورغیرسرکاری نتائج کےمطابق ضلع شرقی ، ٹی ایم سی سہراب گوٹھ، یوسی 8 میں وائس چیئرمین کی نشست پر پیپلز پارٹی کے شہروز احمد ایک ہزار 790 ووٹ لیکر کامیاب ہوئے جبکہ جماعت اسلامی کے امیدوار آصف علی خان 73 ووٹ حاصل کرکے دوسرے نمبر پر ر ہے۔
ضلع غربی ٹی ایم سی اورنگی یوسی 7 میں جنرل وارڈ ممبر کی نشست پر جماعت اسلامی کے محمد بلال نصیر 791 ووٹ لیکر کامیاب ہوگئے جبکہ پیپلز پارٹی کے شیخ اظہر 749 ووٹ لے کر دوسرے نمبر پر رہے۔