طلبا کیلئے خوشخبری:ہونہار سکالر شپ پروگرام کی رجسٹریشن کا آغاز ہوگیا

طلبا و طالبات کیلئے خوشخبری، ہونہار سکالر شپ پروگرام کی رجسٹریشن کا آغاز ہوگیا ۔ سکالر شپ کیلئے اپلائی کرنے کا طریقہ کاربھی سامنے آگیا۔
حکومت ِ پنجاب کی ہدایت پر ہونہارسکالر شپ پروگرام کی رجسٹریشن شروع کردی گئی، پروگرام کے تحت 68ڈسپلنز میں سالانہ 30ہزارطلبا کو سکالر شپ دیا جائے گا۔سکالر شپ پروگرام کے تحت 50 پبلک سیکٹریونیورسٹیز، 16میڈیکل کالجز ،131گریجوایٹ کالجز کے طلبہ کو سکالر شپ دی جائے گی اور 4سال میں 130ارب روپے کےوظائف فراہم کئے جائیں گے۔
سکالر شپ پروگرام سے آئندہ 4برسوں میں ایک لاکھ 20ہزار طلبا مستفید ہوں گے۔ ہونہارسکالرشپ پروگرام کاآغازاہم سنگ میل ہے، پروگرام مستحق اور ہونہار طلبا کیلئےمعیاری تعلیم تک رسائی یقینی بنائے گا۔
سکالر شپ پروگرا م اعلیٰ تعلیم کیلئے ذہین طلبہ کی مالی رکاوٹو ں کو ختم کرےگا اور نوجوانوں کےاعلیٰ تعلیم کے خواب پورے کرے گا۔