عدالت میں اوورلوڈڈ کمرشل گاڑیوں پر پابندی کا کیس سماعت کیلئے مقرر

0
102

سپریم کورٹ نے اوورلوڈڈ کمرشل گاڑیوں پر پابندی کا کیس سماعت کیلئے مقرر کر دیا ۔
جسٹس امین الدین کی سربراہی میں پانچ رکنی آئینی بینچ کیس پر 14 فروری کو سماعت کرے گا۔اوورلوڈنگ کیخلاف سابق سینیٹر عباس آفریدی نے سپریم کورٹ سے رجوع کر رکھا ہے۔
عدالت نے گزشتہ سماعت پر وفاقی و صوبائی حکومتوں سے جواب طلب کیا تھا ۔
سمندر پار پاکستانیوں کو ووٹ کا حق دینے کا کیس بھی سپریم کورٹ میں سماعت کیلئے مقرر کردیاگیا۔
اوورسیز کو ووٹ کا حق دینے کیلئے بانی پی ٹی آئی، دائود غزنوی اور شیخ رشید نے عدالت سےرجوع کر رکھا ہے۔
سندھ کے شہریوں کو صاف پانی کی فراہمی کا کیس بھی سماعت کیلئے مقرر اورکنٹونمنٹ کی زمینوں استعمال سے متعلق کیس بھی سماعت کیلئے مقرر کر دیا گیا ۔
رحیم یار خان میں مندر پر حملے کا کیس بھی سپریم کورٹ میں سماعت کیلئے مقرر اورمسیحی برادری کیلئے عملہ صفائی کی نوکریاں مختص کرنے کا کیس بھی سماعت کیلئے مقررکردیاگیا۔

Leave a reply