عرب اسلامک سربراہی اجلاس کااعلامیہ جاری

عرب اسلامک سربراہی اجلاس کااعلامیہ جاری،جس میں اسرائیل کےجنگی جرائم پراحتساب کیلئے عالمی تحقیقات کامطالبہ کیاگیا۔
سعودی عرب کےدارالحکومت ریاض میں عرب اسلامی سربراہی اجلاس منعقدہوا، جس میں وزیراعظم شہبازشریف دیگررکن ممالک کےسربراہان نےشرکت کی۔عرب اسلامک سربراہی اجلاس کااعلامیہ جاری کردیاگیا۔
اعلامیہ میں کہاگیاکہ اسرائیل کی جارحانہ پالیسی فوری روکی جائے،غزہ میں فوری جنگ بندکامطالبہ کیاگیااورلبنان پرجاری اسرائیلی حملوں کی مذمت کی گئی،سلامتی کونسل سےآزادبین الاقوامی تحقیقاتی کمیٹی کےقیام کامطالبہ بھی کیاگیا۔غزہ میں شہریوں کامحاصرہ غیرقانونی عمل قراردیاگیا،اسرائیل کوغزہ پٹی سےفوری نکلنےاورفتح بارڈرکھولنےکامطالبہ کیاگیا۔
اعلامیہ کےمطابق فلسطین کواقوام متحدہ کی مستقل رکنیت دینےکی حمایت پر زور دیا گیا،فلسطینی عوام کےحقوق کی پامالی پرعالمی برادری سےفوری توجہ کی اپیل کی گئی، لبنان کی خودمختاری اورسلامتی کےتحفظ کےلئے عالمی برادری سےمددکی اپیل کی گئی،اسرائیل کےجنگی جرائم پراحتساب کیلئے عالمی تحقیقات کامطالبہ کیا گیا،اسرائیل کی جانب سےفلسطینی سرزمین پرغیرقانونی بستیوں کےقیام کی مذمت بھی کی گئی،انسانی حقوق کی تنظیموں سےفلسطینیوں کی مددکےلئے اقدامات کرنےکی اپیل کی گئی۔