علی امین گنڈاپور نے کوئی ریڈ لائن کراس نہیں کی،بیرسٹرسیف

مشیر اطلاعات خیبر پختونخوا بیرسٹر سیف نے کہا ہے کہ وزیراعلیٰ علی امین گنڈا پور نے کوئی ریڈلائن کراس نہیں کی، ریڈ لائن جعلی وفاقی حکومت نے کراس کی ہے۔ محسن نقوی بدحواسی میں بھونڈے قسم کے الزامات لگارہے ہیں۔
وفاقی وزیرداخلہ محسن نقوی کےبیان پرردعمل دیتےہوئے مشیر اطلاعات خیبر پختونخوا بیرسٹر سیف کاکہناتھاکہ کل پٹواریوں کو اسلحہ تھماکر الزام پی ٹی آئی پر عائد کردیا گیا۔ آج افغان باشندوں کی احتجاج میں شمولیت کا جھوٹا پروپیگنڈا کیا جا رہا ہے۔ خیبرپختونخوا سے قافلے میں پی ٹی آئی کارکن ہی موجود ہیں۔
بیرسٹرسیف کامزیدکہناتھاکہ محسن نقوی کی پریس کانفرنس جھوٹ کا پلندہ ہے۔ علی امین کے قافلے کی جانب سے فائرنگ کا الزام سراسر جھوٹ پر مبنی ہے۔ علی امین کے نہیں جعلی حکومت کے عزائم کچھ اور ہیں۔ علی امین کے عزائم خان کی رہائی اور ملک میں قانون کی حکمرانی ہے۔ محسن نقوی اپنی جعلی حکومت کی ذمے داری وزیراعلیٰ کے پی پر نہ ڈالیں۔
اُن کاکہناتھاکہ علی امین گنڈاپور نے کوئی ریڈ لائن کراس نہیں کی۔ ریڈ لائن جعلی وفاقی حکومت نے کراس کی ہے۔ محسن نقوی بدحواسی میں بھونڈے قسم کے الزامات لگارہے ہیں۔
مشیراطلاعات کےپی کےکاکہناتھاکہ پی ٹی آئی کارکنوں نے کسی پر شیلنگ نہیں کی۔ محسن نقوی جھوٹ بول کر عوامی رائے تبدیل نہیں کرسکتے۔ علی امین کے پاس اسلحہ ہوتا تو رات موٹروے پر نہیں گزارتے۔ پی ٹی آئی کا جلوس پر امن ہےاور ہمارے مقاصد واضح ہیں۔