علی ترین نےپی سی بی کے نوٹس کا جواب دے دیا

پی ایس ایل کی فرنچائز ملتان سلطانز کے مالک علی ترین نےپاکستان کرکٹ بورڈ(پی سی بی )کےنوٹس کا جواب دے دیا ۔
ملتان سلطانزنےنوٹس کاجواب دیتےہوئےافسوس کا اظہارکیااورکہاعلی ترین نے جو بھی بیان دیا ہے وہ پی ایس ایل کے بہترین مفاد میں دیا گیا ہے۔ علی ترین نے ملتان سلطانز کے پلیٹ فارم سے کرکٹ اور نوجوان کرکٹرز کی بہتری کے لیے قابل قدر اقدامات کیے ہیں جن میں اکیڈمیز کا قیام بھی شامل ہے۔
ملتان سلطانزنےجواب میں یہ بھی کہاکہ علی ترین نے ملتان سلطانز میں اربوں روپے کی سرمایہ کاری ہے اور ذاتی طور پر 7 ارب روپے کا نقصان بھی اٹھایا ہے۔تعمیری تنقید کو جرم سمجھنا سمجھ سے باہر ہے یہ پی ایس ایل انتظامیہ کی کمزوری ظاہر کرتا ہے۔ ایسا محسوس ہوتا ہے کہ پی ایس ایل انتظامیہ سوالات سننے اور جواب دہی کے لیے تیار نہیں ہے۔
واضح رہےکہ پاکستان کرکٹ بورڈ نے قانونی نوٹس کےذریعے ملتان سلطانز کے مالک علی ترین کے بیانات واپس لینے اور پی ایس ایل انتظامیہ سے عوامی معافی کا مطالبہ کیا تھا ۔نوٹس میں فرنچائز سے معاہدے کو ختم کرنے اور علی ترین کو بلیک لسٹ کرنے کی دھمکی بھی دی گئی تھی۔