فردوس جمال نےماہرہ خان اورہمایوں سعیدسےمتعلق بیان کی وضاحت دیدی

پاکستان شوبزانڈسٹری کےسینئراداکارفردوس جمال نےاداکارہ ماہرہ خان اوراداکارہمایوں سعیدسےمتعلق اپنےبیان کی وضاحت دےدی۔
کچھ عرصہ قبل فردوس جمال نےنجی ٹی وی کےپروگرام میں شرکت کی جہاں پرانہوں نےماہرہ خان کی بڑھتی عمرکےبارےاورہمایوں سعیدکے اداکاری میں ڈاکا ڈالنے کے حوالے سےگفتگو کی تھی جوکہ سوشل میڈیاپربہت زیادہ وائرل ہوگئی تھی۔جس کےبعدفردوس جمال کواداکاروں اورپروڈیوسرزکی جانب سےنہ صرف تنقیدکانشانہ بنایاگیابلکہ ایک نجی ڈرامہ چینل نے اداکارپرپابندی لگادی۔
تاہم اب حال ہی میں اداکارفردوس جمال نےپھرایک چینل کےپروگرام میں شرکت کی جہاں پرانہوں نےاپنی زندگی اورشوبزسےمتعلق مختلف پہلووں پرگفتگوکی۔
میزبان نے سینئر اداکار سے سوال پوچھا کہ اداکارہ ماہرہ خان اور ہمایوں سعید سے متعلق بیان کے بعد ایک نجی ڈرامہ چینل نے آپ پر پابندی لگا دی ہے۔
فردوس جمال نےسوال کاجواب دلچسپ اندازمیں دیا۔انہوں نےکہاکہ جب آپ کو اللہ پر یقین ہو کہ اللہ ہی رزق دینے والا ہے تو کوئی بندہ یا کوئی ادارہ میرا رزق بند نہیں کرسکتا۔
اداکارنےمزیدکہا کہ اتنی مخالفت کے باوجود بھی اللہ مجھے رزق دے رہا ہے، جب مجھے اللہ نے دیا تو مجھے کسی سے خوفزدہ ہونے یا تعریفیں کرنے کی کیا ضرورت ہے۔
فردوس جمال کاجذباتی اندازمیں کہناتھاکہ اگر مجھے کسی میں خامی نظر آتی ہے اور میں اصلاح نہیں کروں تو اس کا مطلب ہے میں منافق ہوں لیکن میں منافق نہیں ہوں اس لیے مائرہ خان اور اداکار ہمایوں سعید کے حوالے سے بات کی۔