فیض حمیدکاڈرامہ مجھےملٹری کورٹ لے جانے کیلئے ہے ،بانی پی ٹی آئی

بانی پی ٹی آئی نےکہاہےکہ جنرل ریٹائرڈفیض حمیدکاسارا ڈرامہ مجھےملٹری کورٹ لےجانےکےلئے کیاجارہاہے۔
بانی پی ٹی آئی کااڈیالہ جیل میں صحافیوں سےغیررسمی گفتگو کرتے ہوئے کہنا تھاکہ جنرل(ر) فیض کو میرے خلاف وعدہ معاف گواہ بنانے کی کوشش کی جارہی ہے۔ فیض حمیدکا سارا ڈرامہ مجھے ملٹری کورٹ لے جانے کیلئے کیا جارہا ہے۔ان سب کو معلوم ہے میرے خلاف باقی سارے کیسز فارغ ہوچکے ہیں۔یہ اسلئے مجھے اب ملٹری کورٹس کی طرف لے جانا چاہتے ہیں۔یہ جنرل (ر)فیض سے کچھ نہ کچھ اگلوانا چاہتے ہیں۔یہ فیض حمیدسے کوئی نہ کوئی بیان دلوائینگے کہ نو مئی سازش تھی۔
بانی پی ٹی آئی کامزیدکہناتھاکہ اگر جنرل(ر) فیض نے میری گرفتاری کا آرڈر کیا، سی سی ٹی وی فوٹیج چوری کی تو اسکو پکڑیں۔جو سازش کرتا ہے وہ جوڈیشل کمیشن کا مطالبہ نہیں کرتا۔رجیم چینج ہمارے خلاف ہوا اور مجھے ہی جیل میں ڈال دیا گیا۔یہ کہہ رہے ہیں فیض حمیدماسٹر مائنڈ تھا ۔انکو شرم نہیں آتی یہ کہہ رہے ہیں جنرل(ر) فیض بشریٰ بی بی کو ہدایات دیتا تھا۔انکو ڈر ہے قاضی فائز عیسیٰ چلا گیا الیکشن کی چوری کھل جائے گی۔جنرل ریٹائرڈباجوہ نے میری کمر میں چھرا گھونپا ہے۔باجوہ نے نواز شریف سے ڈیل کرکے جنرل(ر) فیض کو عہدے سے ہٹایا تھا۔