فیلڈمارشل عاصم منیرسےچینی وزیرخارجہ کی ملاقات،علاقائی سیکیورٹی سمیت دیگرامورپرتبادلہ خیال

فیلڈمارشل سیدعاصم منیرسےچینی وزیرخارجہ وانگ ژی نےملاقات کی ،جس میں دونوں رہنماؤں نے علاقائی سیکیورٹی،انسداددہشت گردی اوردیگرامورپرتبادلہ خیال کیا۔
پاک فوج کےشعبہ تعلقات عامہ(آئی ایس پی آر)کےمطابق اس اہم ملاقات میں دونوں جانب سےمثالی دوستی اورہرفورم پریکساں موقف اورتعاون کےعزم کااعادہ کیاگیااورعلاقائی سیکیورٹی،انسداددہشت گردی اور دیگرامورپرتبادلہ خیال کیاگیا۔
ملاقات میں اس بات پر بھی اتفاق کیا گیا کہ خطے میں امن، استحکام اور خوشحالی کے فروغ کے لیے دونوں ممالک اپنا مشترکہ کردار ادا کرتے رہیں گے۔
دونوں رہنماؤں نے اس عزم کو دہرایا کہ پاکستان اور چین کے درمیان ہر موسم کی اسٹریٹیجک شراکت داری کو مزید مستحکم کیا جائے گا اور علاقائی و عالمی فورمز پر قریبی تعاون کو فروغ دیا جائے گا۔
آئی ایس پی آرکاکہناہےکہ ملاقات میں علاقائی سلامتی کی صورتحال، انسداد دہشت گردی کے اقدامات سمیت باہمی دلچسپی کے دیگر امور پر بھی تفصیلی تبادلہ خیال کیا گیا۔
اس موقع پر چینی وزیرِ خارجہ وانگ ژی نے پاکستان کی خودمختاری اور ترقی کے لیے چین کی غیر متزلزل حمایت کا اعادہ کیا جبکہ آرمی چیف نے مشکل حالات میں چین کی مستقل حمایت پر شکریہ ادا کیا۔