لندن میں ٹرین اور ٹیوب کے کرایوں میں ساڑھے 4 فیصد سے زائد اضافہ

لندن کی ٹرینزاور ٹیوبز کے مسافروں کیلئے اہم خبر، لندن میں ٹرین اور ٹیوب کے کرایوں میں اضافہ کردیا گیا۔
اس حوالے سے لندن کے مئیر صادق خان کا کہنا ہے کہ کرایوں میں اضافے سے حاصل ہونیوالی رقم، ٹرانسپورٹ فار لندن کی سروسز میں انویسٹ کی جائے گی۔
میڈیا رپورٹس کے مطابق لندن میں ٹرین اور ٹیوب کے کرایوں میں ساڑھے 4 فیصد سے زائد اضافہ کیا گیا ہے جس کے بعد ٹرانسپورٹ فار لندن کے روزانہ کےکرائے کی حد میں زون کے حساب سے 50 سے 70 پنس بڑھ جائیں گے۔بس اور ٹرام سے ایک گھنٹے کے دوران جتنی بار چاہے سفر کرنے کا کرایہ ایک پاؤنڈ 75 پنس پر ہی منجمد رہے گا اور اس کا اطلاق آئندہ برس مارچ سے ہوگا۔