لوگوں کو ایک ارب روپے تک کی آفر کی جا رہی ہے،عمرایوب

قائدحزب اختلاف عمرایوب نےکہاہےکہ لوگوں کو ایک ارب روپے تک کی آفر کی جا رہی ہے،پی ٹی آئی کے بہت سے کارکنوں اور رہنماؤں کے گھروں پر چھاپے مارے جا رہے ہیں۔
قائدحزب اختلاف عمرایوب کاکہناتھاکہ ہم آئینی ترمیم کی مخالفت کررہے ہیں۔ اس کمیٹی کا کام آئینی ترمیم نہیں ہے۔سینیٹرز کو بھی آفرز ہو رہی ہیں۔ ان کے نمبرز پورے نہیں ہیں۔ لوگوں کو ایک ارب روپے تک آفر کیے جارہے ہیں۔
عمرایوب کامزیدکہناتھاکہ پی ٹی آئی کے بہت سے کارکنوں اور رہنماؤں کے گھروں پر چھاپے مارے جا رہے ہیں۔ وزیرداخلہ کے گھر کے قریب سے زین قریشی کی اہلیہ کو اٹھایا گیا۔ میرے گھر پر بھی چھاپے مارے گئے۔
اُن کاکہناتھاکہ جے یو آئی ف کے گروپ ممبرز اور اخترمینگل کے ممبران کو دھمکیاں دی جارہی ہیں۔ میں نے وزیرقانون سے پوچھا یہ سب کچھ آپ کررہے ہیں؟ عوامی نیشنل پارٹی نے خیبرپختونخوا کا نام تبدیل کرنے کا کہا ہے۔ “خیبر “پختونخوا کا بڑا حصہ ہے۔ اس سے پہلے بھی جب نام تبدیل کیا گیا تو ہزارہ کو نظر انداز کیا گیا۔