متاثرین کے علاوہ کسی کو ایک پیسہ نہیں ملے گا، کرپشن کے تمام راستے بند کردیے ہیں،مریم نواز

وزیراعلیٰ پنجاب مریم نوازنےکہاہےکہ متاثرین کے علاوہ کسی کو ایک پیسہ نہیں ملے گا، میں نے کرپشن کے تمام راستے بند کردیے ہیں۔
اوکاڑہ میں سیلاب متاثرین میں فلڈ کارڈتقسیم کرنےکی تقریب سےخطاب کرتےہوئےوزیراعلیٰ پنجاب مریم نوازکاکہناتھاکہ آج سے سیلاب متاثرین کی باقاعدہ بحالی کا اعلان ہورہا ہے، آج سے 15اضلاع میں سیلاب متاثرین کو چیک کی تقسیم شروع ہورہی ہیں،100 ارب روپے سیلاب متاثرین کے لیے رکھے ہیں، سیلاب متاثرین کا 70فیصد سروے مکمل ہوگیا ہے، جب تک متاثرین کا شفاف سروے نہیں کرلیں گے چین سے نہیں بیٹھیں گے۔
مریم نوازکامزیدکہناتھاکہ متاثرین کے علاوہ کسی کو ایک پیسہ نہیں ملے گا، میں نے کرپشن کے تمام راستے بند کردیے ہیں۔ متاثرین کی مدد کے لیے میں نے باہر کی دنیا کے سامنے ہاتھ نہیں پھیلائے،کسی سے کوئی مدد نہیں مانگی، میں نے پنجاب کی عوام کی عزت نفس کا خیال رکھا، میرے ہوتے ہوئے آپ کو کوئی میلی آنکھ سے نہیں دیکھ سکتا۔