مجھے پنجاب کےعوام کی فکرہےتم اپنی فکرکرو،وزیراعلیٰ مریم نواز

وزیراعلیٰ مریم نوازنےکہاہےکہ مجھے پنجاب کےعوام کی فکرہےتم اپنی فکرکرو،پی ٹی آئی والے ایک صوبے کو دوسرے صوبے سے لڑانے کی مذموم کوشش کر رہے ہیں، کسی بھول میں نہ رہنا، مجھے دہشت گردوں سےنمٹنا آتا ہے۔
وزیراعلیٰ پنجاب مریم نواز نے ہمت کارڈ منصوبے کا باضابطہ افتتاح کردیا۔
ہمت کارڈ منصوبے کی افتتاحی تقریب سے خطاب کرتے ہوئے وزیراعلیٰ مریم نوازکاکہناتھاکہ پنجاب حکومت خصوصی افراد کوتنہا نہیں چھوڑے گی، ہمت کارڈ منصوبے کے لیے 2 ارب 60 کروڑ روپے رکھے گئے ہیں، ہمت کارڈ کےحامل افراد کوتین ماہ میں ساڑھے دس ہزار روپے ملیں گے، مسائل حل کریں گے، ہمت کارڈ کے ذریعے ملنے والی رقم کوبڑھائیں گے، ہمت کارڈ کے ذریعے میٹروبس میں فری سفرکی سہولت بھی میسرہوگی۔
مریم نوازکامزیدکہناتھاکہ اللہ تعالیٰ کی شکرگزار ہوں ایک اور خواب کی تکمیل ممکن ہوئی، خصوصی افراد کوقومی دھارےمیں شامل کرنا ترجیح ہے، صوبے میں 65 ہزارخصوصی افراد کوہمت کارڈ دیئے جائیں گے۔کیا وجہ ہے (ن) لیگ کے دور میں ملک ترقی کرتا ہے، مسلم لیگ ن کے دور میں موٹرویز بنتی ہیں، مہنگائی مسلم لیگ (ن) کے دور میں تیزی سے نیچے جاتی ہے، گزشتہ حکومت کی نااہلی کی وجہ سے مہنگائی 38 فیصد پر تھی، آج مہنگائی مسلسل کم ہورہی ہے روٹی کی قیمت پہلے 25 روپے تھی اور آج 12 روپے ہے۔
وزیراعلیٰ کاکہناتھاکہ خیبرپختونخوا کےعوام کے لیے میرا دل دھڑکتا ہے، خیبرپختونخوا میں روٹی 25 روپے کی ہو گئی ہے، ذہنی مفلوج لوگوں سے کام ہوتا ہے نہ کسی کو کرنے دیتے ہیں،مسلم لیگ (ن) کے پاس جادو کی چھڑی نہیں، ہم ہمیشہ عوام کو ریلیف دینے کا سوچتے ہیں۔
پی ٹی آئی قیادت کوتنقیدکانشانہ بناتےہوئےاُن کامزیدکہناتھاکہ ان کا کام صرف جلاؤ گھیراؤ کرنا ہے، مجھےفرق نہیں پڑتا لیکن ان کے ہرروز کے ڈراموں سے عوام کی خدمت میں خلل آتا ہے،یہ دوسرے صوبے پر حملہ کرنے کے بجائے خیبرپختونخوا کے عوام کی خدمت کریں۔ان کی جانب سے 20 ہزارشیل پنجاب پولیس پر چلائے گئے، یہ لوگ پنجاب کے اوپر باربار حملہ کررہےہیں، ریسکیو 1122 کا کام مریضوں کو ہسپتال منتقل کرنا ہوتا ہے، ریسکیو 1122 کی گاڑیوں کو جلسوں میں لایا جاتا ہے، مجھے پنجاب کےعوام کی فکرہےتم اپنی فکرکرو۔
مریم نوازکاکہناتھاکہ یہ لوگ ایک صوبے کو دوسرے صوبے سے لڑانے کی مذموم کوشش کر رہے ہیں، کسی بھول میں نہ رہنا، مجھے دہشت گردوں سےنمٹنا آتا ہے۔ خیبرپختونخوا کےعوام مجھے خط لکھتے ہیں، خیبرپختونخوا کے عوام کا پیسہ اپنی سیاست چمکانے کے لیے خرچ کیا جارہا ہے۔