محکمہ تعلیم کی پاسنگ مارکس 33سے بڑھا کر 40 فیصد کرنے کی تجویز

طلبا و طالبات کیلئے اہم خبر،محکمہ تعلیم نے پاسنگ مارکس تینتیس سے بڑھا کر چالیس فیصد کرنے کی تجویزدےدی۔
میٹرک اور انٹرمیڈیٹ کلاسز میں پاسنگ مارکس 33 فیصد قیام پاکستان سے چلی آ رہی تھی، جسے 40 فیصد کرنے کی تجویز کمیٹی آف چیئرپرسن تعلیمی بورڈ پنجاب کے اجلاس میں پیش کردی گئی۔منظوری کے بعد یہ میٹرک و انٹرمیڈیٹ امتحانات 2026 سے لاگو ہو جائے گی۔
ماہرین تعلیم کے مطابق تجویز کردہ پالیسی کے لاگو ہونے سے رٹا کلچر کے خاتمے میں مدد ملے گی اور مجموعی طور پر نظام تعلیم مضبوط ہوگا۔پنجاب کے صوبائی محکمہ تعلیم نے امتحانی سسٹم میں بنیادی تبدیلی لانے کی پالیسی کی تجویز دی، تجویز کردہ پالیسی کے مطابق میٹرک و انٹرمیڈیٹ کے امتحانات میں پاسنگ پرسنٹیج 33 فیصد سے 40 فیصد کرنے کی تجویز سامنے آ گئی۔
تجویزکوکمیٹی آف چیئرپرسن تعلیمی بورڈز پنجاب کے اجلاس میں پیش کیا گیا، جس میں پنجاب کے تمام تعلیمی بورڈوں کے چیرمین ممبرز ہیں، اگر اسے منظور کر لیا گیا تو آئندہ سال2026 سے لاگو کر دیا جائے گا۔