معاشی بہتری اورمہنگائی میں کمی ملک وقوم کی بہتری کے اشارے ہیں، نواز شریف

سابق وزیراعظم وسربراہ مسلم لیگ ن میاں محمدنوازشریف نےکہاہےکہ معاشی بہتری اورمہنگائی میں کمی ملک وقوم کی بہتری کےاشارےہیں۔
سابق وزیراعظم وصدرمسلم لیگ(ن)میاں محمدنوازشریف اوروزیراعلیٰ پنجاب مریم نوازکےساتھ فیصل آباد، چنیوٹ، ٹوبہ ٹیک سنگھ اور جھنگ سے تعلق رکھنے والے ارکان پنجاب اسمبلی نے ملاقات کی جس میں ملک کی مجموعی صورتحال، پنجاب میں جاری ترقیاتی عمل اور عوامی خدمت کے منصوبوں پر غور کیا گیا۔
اس موقع پرگفتگوکرتےہوئےنوازشریف کاکہناتھاکہ نیت ٹھیک ہوگی تواللہ تعالیٰ کی مددآئےگی،مخلوق خداکی خدمت سب سےبڑی عبادت ہے،عوام کی خدمت کاصلہ اورانعام اللہ تعالیٰ دیتاہے۔
اُن کامزیدکہناتھاکہ معاشی بہتری اورمہنگائی میں کمی ملک وقوم کی بہتری کے اشارے ہیں،30ہزار پرآنے والی سٹاک ایکسچینج آج ایک لاکھ 20ہزار پوائنٹس کوچھوچکی،معاشی ترقی کےتسلسل سےہی عوام کے حالات بدل سکتے ہیں ،اللہ کاشکرہےکہ پاکستان کاتنزلی کی طرف جاری سفررک گیا۔