معروف فٹبالر ڈینی الویس کو بارسلونا کے نائٹ کلب میں خاتون سے زیادتی کے مقدمے میں مجرم قرار

معروف فٹبالر ڈینی الویس کو بارسلونا کے نائٹ کلب میں خاتون سے زیادتی کے مقدمے میں مجرم قرار

غیر ملکی میڈیا رپورٹس کے مطابق اسپین کی مقامی عدالت نے بارسلونا اور برازیل کے سابق فٹبالر ڈینی الویس کو بارسلونا کے نائٹ کلب میں ایک خاتون کے ساتھ زیادتی کا مجرم قرار دیا ہے اور انہیں ساڑھے 4 سال قید کی سزا سنائی گئی ہے۔

اسٹار فٹبالر ڈینی الویس نے خود پر لگے الزامات کی تردید کی تھی۔

پاکستان ٹوڈے میں مزید پڑھیں:میسی نے سابقہ کلب بارسلونا کو اپنا ’’بیلن ڈی آر ایوارڈ‘‘ عطیہ کردیا

الویس کے وکیل نے ان کی بریت کی درخواست کی تھی جو خارج کر دی گئی تاہم، وہ سزا کے خلاف اپیل کر سکتے ہیں۔

عدالت نے الویس کو سزا سنانے کے علاوہ متاثرہ خاتون کو ایک 28 ہزار 500 پاؤنڈز بھی ادا کرنے کا حکم دیا۔

پاکستان ٹوڈے میں مزید پڑھیں: میسی نے میچ شرکت نہ کرکے شائقین کو غصہ دلادیا

عدالت کی جانب سے کہا گیا کہ متاثرہ خاتون کی گواہی کے علاوہ ایسے شواہد موجود ہیں جو ثابت کرتے ہیں کہ اس کے ساتھ زیادتی ہوئی ہے۔

الویس نے بارسلونا کی 400 سے زیادہ مقابلوں میں نمائندگی کی جبکہ کلب کے ساتھ دو اسپیلز میں چھ لیگ ٹائٹل اور تین چیمپئنز لیگ جیتے۔