ملک کےمیکرواکنامک حالات بتدریج بہترہورہےہیں،وزیراعظم

وزیراعظم شہبازشریف نےکہاہےکہ ملک کےمیکرواکنامک حالات بتدریج بہترہورہےہیں۔
وزیراعظم شہبازشریف سےکاروباری شخصیات کےوفدنے ملاقات کی،کاروباری برادری نےوزیراعظم کی قیادت میں حکومت کی پالیسیوں پر اعتماد کا اظہار کیا، کاروباری وسرمایہ کاروں نےسازگارماحول فراہم کرنےپروزیراعظم شہباز شریف کوخراج تحسین پیش کیا۔
وفدسےخطاب کرتےہوئےوزیراعظم شہبازشریف کاکہناتھاکہ مخلص اور دیانتدارکاروباری برادری ہماراقیمتی اثاثہ ہے،شرح سوداورمہنگائی میں نمایاں کمی ہوئی ہے،سرمایہ کاروں کاسفرمقامی سرمایہ کاروں سےشروع ہوتاہے،ملکی معیشت درست سمت کی جانب گامزن ہے،مشاورت کامقصدمعیشت میں ترقی میں تیزی لاناہے۔
اُن کامزیدکہناتھاکہ آپ کےمسائل کاحل ہماری ترجیح ہے،معیشت کومستحکم بنانےمیں آپ کاکردارقابل تحسین ہے،ملک کےمیکرواکنامک حالات بتدریج بہترہورہےہیں،ترقی وخوشحالی کیلئےآپ ملک میں سرمایہ کاری کررہے ہیں،آپ کےتعاون سےہم نےآگےبڑھناہے،چاول کی برآمدات 4ارب ڈالرتک پہنچ گئی ہیں۔