مہنگائی کےخاتمےکامشن:وزیراعلیٰ ان ایکشن

مہنگائی کےخاتمےکےلئےوزیراعلیٰ پنجاب مریم نوازسرگرم،ایک ہی ہفتےمیں دوسری باراجلاس طلب کرلیا۔
اجلاس میں چکن اور دودھ کے نرخ میں مصنوعی اضافہ روکنے کے لیے جامع حکمت عملی پر غورکیاگیا۔وزیر اعلیٰ مریم نواز نےدودھ میں ملاوٹ کے خاتمے کی خصوصی مہم شروع کرنے کا حکم دیا۔
اجلاس میں چکن اور دودھ کی سپلائی چین میکنزم اور نرخ کے تعین سے متعلق امور پر بریفنگ ،تفصیلی جائزہ لیا گیا ۔
وزیراعلیٰ مریم نوازنےنرخ کی مانیٹرنگ اوراستحکام کےلئےمزیدموثرنظام بنانےکی ہدایت کی۔
اجلاس سےخطاب کرتےہوئےوزیراعلیٰ مریم نوازکاکہناتھاکہ سپلائی چین کی کارکردگی میں بہتری کے لیے اسٹیک ہولڈرز کو مل کر کام کرنا ہوگا، جدید ٹیکنالوجی کے استعمال سے سپلائی چین کو بہتر بنا کر قیمتوں میں استحکام لایا جائے ،قیمتوں میں مصنوعی اضافہ قابل برداشت نہیں۔
اجلاس میں سینٹر پرویز رشید ، سینئر صوبائی وزیرمریم اورنگزیب،پرائس کنٹرول ٹاسک فورس کی چیئر پرسن سلمی بٹ، چیف سیکرٹری زاہد اختر زمان،سیکرٹری زراعت افتخار سہو، سیکرٹری خوراک معظم سپرا، سیکرٹری لائیو سٹاک مسعود انور، پرنسپل سیکرٹری ساجد ظفر ڈال اور دیگر حکام موجودتھے۔