مہنگائی کےمارےعوام کیلئےبُری خبر،حکومت نےپیٹرول کی قیمت میں اضافہ کردیا

مہنگائی کےمارےعوام کےلئےایک اوربُری خبر،حکومت نےپیٹرولیم مصنوعات کی قیمتوں میں اضافہ کردیا۔نوٹیفکیشن جاری کردیاگیا۔
پاکستان میں ہرپندرہ روزبعدپیٹرولیم مصنوعات کی قیمتوں میں ردوبدل کیا جاتا ہے جس میں کبھی عوام کو ریلیف دیاجاتاہےاورکبھی پیٹرولیم مصنوعات کی قیمتوں میں اضافہ کرکےعوام کی مشکلات میں اضافہ کیا جاتاہے۔
وزارت خزانہ کی جانب سےپیٹرولیم مصنوعات کی قیمتوں میں اضافےکانوٹیفکیشن جاری کردیاگیا۔
نوٹیفکیشن کےمطابق حکومت نےآئندہ 15روزکےلئےپیٹرول کی قیمت میں3روپے47پیسےکااضافہ کیاہے،اضافےکےبعدپیٹرول کی نئی قیمت 256روپے13پیسےفی لیٹرمقرر جبکہ ہائی سپیڈڈیزل 2روپے 61پیسےمہنگاہونےکےبعدڈیزل کی نئی قیمت260روپے95پیسےفی لیٹرمقرر کی گئی۔
یاد رہے کہ حکومت نے گزشتہ سال دسمبر کے ابتدائی 15 روز کے لیے پیٹرول اور ڈیزل کی قیمتوں میں اضافے کا اعلان کیا تھا اور پیٹرول 3 روپے 72 پیسے جبکہ ہائی سپیڈ ڈیزل کی قیمت 3 روپے 29 پیسے فی لیٹر بڑھائی تھی۔جبکہ دسمبر کے آخری 15روز کےلئےقیمتیں برقراررکھی گئی تھیں۔تاہم نئےسال پر پندرہ روزکےلئے پیٹرولیم مصنوعات کی قیمتوں میں ایک بارپھر اضافہ کیاگیاتھا،پیٹرول کی قیمت میں 56پیسےفی لیٹرکااضافہ کیاجبکہ ہائی سپیڈ ڈیزل کی قیمت میں 2 روپے 96 پیسے کااضافہ کیا گیا تھا۔