میٹا نے واٹس ایپ میں 2025 کی پہلی بڑی تبدیلی کا عندیہ دیدیا

واٹس ایپ کے صارفین کیلئے خوشخبری،میٹا نے واٹس ایپ میں 2025 کی پہلی بڑی تبدیلی کا عندیہ دیدیا۔ میٹا کی جانب سے آرٹی فیشل انٹیلی جنس کو میسجنگ ایپ کے ہر پہلو کا حصہ بنایا جا رہا ہے۔
واٹس ایپ کے اینڈرائیڈ ڈیوائسز کے بیٹا (beta) ورژن میں اے آئی ٹیب کا اضافہ کیا گیا ہے ،تاکہ صارفین کمپنی کے متعدد اے آئی ٹولز کو استعمال کرسکیں۔اس اے آئی ٹیب میں مختلف فیچرز موجود ہوں گے، جن میں ایک فیچر مقبول اے آئی کریکٹرز کابھی ہوگا، جس سےصارفین مختلف اے آئی بوٹس سے متعدد موضوعات پر چیٹ کرسکیں گے۔
اسی طرح اے آئی سے تیار کردہ سٹیکرز، تصاویر اور میٹا کے اے آئی سرچ انجن جیسے فیچرز بھی دستیاب ہوں گے۔اے آئی سٹیکرز اور تصاویر کا آپشن تو ابھی بھی دستیاب ہے ،مگر اس نئی تبدیلی سے سب کچھ ایک جگہ اکٹھا کر دیا جائے گا۔درحقیقت اس ری ڈیزائن کا مقصد ہی اے آئی کو زیادہ نمایاں کرنا ہے ،تاکہ ان ٹولز کے استعمال کو بڑھایا جا سکے۔
اس نئی تبدیلی سے کمیونیٹیز ٹیب متاثر ہوگی، کیونکہ اسے ختم کرکے چیٹس ٹیب کا حصہ بنا دیا جائے گا۔
رپورٹ کے مطابق میٹا کی جانب سے واٹس ایپ میں کاسٹیوم اے آئی بوٹس پر کام کیا جا رہا ہے۔واٹس ایپ میں یہ نیا اضافہ انسٹا گرام کے اے آئی سٹوڈیو سے زیادہ بہتر ہوگا، تاہم یہ کہنا قبل از وقت ہے کہ کتنے افراد اپنے کاسٹیوم اے آئی بوٹس تیار کرنے کے خواہشمند ہیں۔
ماہرین کے مطابق زیادہ تر صارفین پہلے سے دستیاب بوٹس سے بات کرکے ہی مطمئن ہو جائیں گے یا حقیقی انسانوں سے چیٹ کو ہی ترجیح دیں گے۔