میٹا کا فیس بک ورک پلیس کو بند کرنے کا فیصلہ

پاکستان ٹوڈے: ورک پلیس کے صارفین ہو جائیں خبردار۔۔۔میٹا نے فیس بک ورک پلیس کو بند کرنے کا فیصلہ کر لیا۔

تفصیلات کے مطابق ٹیکنالوجی کمپنی میٹا کی جانب سے ورک پلیس نامی فیس بک کے آفس کمیونیکیشن پلیٹ فارم کو جلد بند کردیا جائےگا۔ فیس بک ورک پلیس کو مائیکرو سافٹ ٹیمز اور سلیک جیسے آفس کمیونیکیشن پلیٹ فارمز کے مقابلے پر متعارف کرایا گیا تھا۔

میٹا کی جانب سے ورک پلیس کو بند کرنے کی تصدیق کر دی گئی۔ ترجمان کے مطابق یہ پلیٹ فارم صارفین کو 31 اگست 2025 تک دستیاب ہوگا۔اسے پہلے فیس بک ایٹ ورک کہا جاتا تھا اور 2016 میں اسے عوامی طور پر متعارف کرایا گیا ، بنیادی طور پر اسے 2014۔ میں تیار کیا گیا اور 2 سال تک کمپنی کے اندر اسے استعمال کیا گیا

اور پھر کاروباری اداروں کیلئے متعارف کرایا گیا۔ ورک پلیس کی بندش کے فیصلے کے پیش نظر میٹا کی جانب سے اس سروس کو استعمال کرنیوالے صارفین کو ستمبر 2024 سے 50 فیصد رعایت فراہم کی جائے گی۔