نبی پاکؐ سےمحبت ہمارےایمان کاحصہ ،آخرت میں نجات کی ضمانت ہے،مریم نواز

وزیراعلیٰ پنجاب مریم نوازنےکہاہےکہ نبی اکرم صلی اللہ علیہ وسلم سےمحبت ہمارےایمان کاحصہ ہےاورآخرت میں نجات کی ضمانت ہے۔
وزیر اعلیٰ پنجاب مریم نواز کا 12 ربیع الاول،عیدمیلاد النبیؐ کے مبارک دن کی مناسبت سےاپنے پیغام میں کہناتھاکہ عید میلاد النبی ؐپوری امت مسلمہ کیلئے خوشی کا پیغام ہے۔ میلادالنبیﷺ کے بابرکت موقع پر پوری امت مسلمہ کو دل کی گہرائیوں سے مبارکباد پیش کرتی ہوں۔ حضرت محمدرسول اللہ خاتم النبیین ﷺ کی ولادت ِباسعادت تمام جہانوں کیلئے ایک عظیم اور مبارک ترین نعمت ہے۔ اللہ کے نبی کی محبت کا سب سے بڑا تقاضا یہ ہےکہ ہم علاقائی، مسلکی اور سیاسی اختلافات کو مفاہمتی حکمت عملی کی روشنی میں حل کریں۔
مریم نوازکامزیدکہناتھاکہ انسانیت پیغمبر اسلام کی سیرت سے کامیابی حاصل کر سکتی ہے۔ نبی پاک ؐ سے محبت ہمارے ایمان کا حصہ ہی اور آخرت میں نجات کی ضمانت ہے۔ نبی پاک ؐ کی غریبوں کی مدد اور یتیموں کی داد رسی سے متعلق تعلیمات کوکبھی فراموش نہیں کرنا چاہئے۔آج کا دن ہمیں نبی پاک ؐکی تعلیمات کلی طور پر اپنانے کا پیغام بھی دیتا ہے۔