وزیراعظم شہبازشریف کی دکی میں مزدورں پردہشت گرد حملے کی مذمت

وزیراعظم محمد شہباز شریف نے بلوچستان کے ضلع دکی کے علاقے میں کان کنوں پر دہشت گردوں کے حملے کی شدید مذمت کی۔
وزیراعظم شہبازشریف نے دکی میں کوئلہ کان واقعے کی رپورٹ طلب کرلی ۔
وزیراعظم شہبازشریف نے واقعے میں قیمتی جانوں کے نقصان پر دکھ اور رنج کا اظہارکرتےہوئےجاں بحق کان کنوں کے بلندی ء درجات کی دعا اور ان کے اہل خانہ سے اظہار تعزیت کیا۔
وزیراعظم نے واقعے میں زخمی ہونے والوں کی جلد صحت یابی کی دعا کی اور انہیں ہر ممکن طبی امداد فراہم کرنے کی ہدایت بھی کی۔
وزیراعظم شہبازشریف کاکہناتھاکہ ہر قسم کی دہشت گردی کو جڑ سے اکھاڑنے کے لئے پر عزم ہیں۔