وزیراعظم کی طبیعت ناساز:ایپکس کمیٹی کااجلاس ملتوی

وزیراعظم شہبازشریف کی طبیعت خرابی کےباعث نیشنل ایکشن پلان کی ایپکس کمیٹی کاآج ہونے والا اجلاس ملتوی کردیاگیا۔
ذرائع کےمطابق ایپکس کمیٹی اجلاس وزیراعظم کی خرابی طبیعت کےباعث ملتوی کیاگیا،اجلاس کی نئی تاریخ اوروقت کاتعین جلدکیاجائےگا۔
ایپکس کمیٹی اجلاس میں اعلیٰ عسکری و سول قیادت، وفاقی وزرا، چاروں وزرائے اعلیٰ اور چیف سیکرٹریز نے شرکت کرنا تھی۔
اجلاس میں انسداد دہشت گردی کے قومی ایکشن پلان پر عملدرآمد کی صورتحال سمیت صوبوں اور وفاق کے درمیان کوآرڈینیشن بہتر بنانے اور انٹیلی جنس معلومات کی موثر شیئرنگ پر بھی غور کیا جانا تھا۔
اجلاس میں داخلی سلامتی کو یقینی بنانے کے لیے اہم فیصلوں کی بھی منظوری کے علاوہ امن وامان کی مجموعی صورتحال کا تفصیلی جائزہ لیا جانا تھا جب کہ انسداد دہشت گردی کے قومی ایکشن پلان پر عمل درآمد کی صورت حال بھی غور کیا جانا تھا۔
اپیکس کمیٹی اجلاس میں خیبر پختونخوا اور بلوچستان میں دہشت گردی کے بڑھتے واقعات کی وجوہات کا بھی جائزہ لینا تھا جب کہ شرکا کو اینٹلی جنس بیسڈ آپریشنز کے نتائج سے بھی آگاہ کیا جانا تھا اور داخلی سلامتی کو یقینی بنانے کے لیے اہم فیصلوں کی بھی منظوری دی جانی تھی۔
واضح ر ہےکہ وزیراعظم شہبازشریف نےنیشنل ایکشن پلان کےتحت آج ایپکس کمیٹی کااجلاس طلب کیاتھا۔