ون ڈےسیریز:پہلےمیچ میں پاکستان نےویسٹ انڈیزکودھول چٹادی

ون ڈے سیریزکےپہلےمیچ میں پاکستان نےویسٹ انڈیزکو5وکٹوں سےشکست دےدی۔
ٹرینیڈاڈ میں کھیلے گئے 3 ون ڈے میچز کی سیریز کے پہلے میچ میں پاکستان نے ٹاس جیت کرفیلڈنگ کا فیصلہ کیا۔میزبان ویسٹ انڈیزنےپہلےبیٹنگ کرتے ہوئے49اوورزمیں280رنزبنائے پاکستان ٹیم نےمیزبان ٹیم کا 281 رنز کا ہدف 49 ویں اوور میں 5 وکٹوں کے نقصان پر با آسانی حاصل کرلیا۔
ویسٹ انڈیزنےاننگزکاآغازکیاتو صرف4 رنز کے مجموعی سکور پر برینڈن کنگ آؤٹ ہوگئے۔پہلی وکٹ گرنے کے بعد ایون لوئس اور کارٹے کے درمیان 77 رنز کی شراکت داری قائم ہوئی لیکن پھر کارٹے 30 رنز بناکر پویلین لوٹ گئے۔
میزبان کوتیسرانقصان لوئس کی صورت میں اٹھانا پڑا وہ 60 رنز بناکر وکٹ گنوابیٹھے۔اس کے بعد کپتان شائے ہوپ نے 55 اور روسٹن چیز نے 53 رنز کی اننگز کھیلی۔رتھرفورڈ 10، گڈاکیش موتی 31 رنز بناکر آؤٹ ہوئے ۔جبکہ شیمار جوزف 8 اور شیفرڈ 4 رنز بنانےمیں کامیاب ہوئے۔ویسٹ انڈیز کی پوری ٹیم 49 اوورز میں 280 رنز بناکر آؤٹ ہوگئی۔
پاکستان کی جانب سےشاہین آفریدی نے4کھلاڑیوں کوپویلین کی راہ دکھائی جبکہ نسیم شاہ نے3شکارکیے، صائم ایوب، سفیان مقیم اور سلمان آغا نے ایک ایک وکٹ لی۔
ہدف کےتعاقب میں شاہنیوں نےبیٹنگ کاآغازکیاتوپاکستان کا آغاز اچھا نہ تھا، اوپنر صائم ایوب صرف 5 رنز بناکر وکٹ گنوابیٹھے،پھر عبداللہ شفیق اور بابر اعظم نے ذمہ داری سے بیٹنگ کی اور ٹیم کا اسکور آگے بڑھایا لیکن پھر عبداللہ 29 رنز بناکر پویلین لوٹ گئے۔ اس کے بعد بابر بھی 47 رنز بناکر آؤٹ ہوئے۔
کپتان محمد رضوان نے ففٹی اسکور کی لیکن وہ بھی 53 رنز پر آؤٹ ہوئے جبکہ سلمان علی آغا 23 رنز بناسکے۔
نوجوان حسن نواز اور حسین طلعت نے ذمہ درانہ بیٹنگ کی اور 49 ویں اوور میں ہدف پورا کرکے ٹیم کو کامیابی دلوائی۔حسن نواز 63 اور حسین طلعت 41 رنز بناکر ناقابل شکست رہے۔
ویسٹ انڈیز کی جانب سے شمار جوزف نے 2، سیلز ، موتی اور روسٹن چیز نے ایک ایک وکٹ لی۔
پاکستانی بیٹر حسن نواز نے ون ڈے انٹرنیشنل کرکٹ میں ڈیبیو کیا، پاکستانی ٹیم کےمنیجر نوید اکرم چیمہ نے حسن نواز کو ڈیبیو کیپ دی۔ساتھی کھلاڑیوں اور سپورٹ اسٹاف نے حسن نواز کے لیے نیک خواہشات کا اظہار کیا۔
ویسٹ انڈیز کے خلاف پہلے میچ میں پاکستان کی ٹیم میں عبداللہ شفیق، صائم ایوب، بابر اعظم، (کپتان)محمد رضوان، سلمان آغا، حسن نواز، حسین طلعت، فہیم اشرف، شاہین آفریدی، نسیم شاہ اور سفیان مقیم شامل تھے۔
5 وکٹوں سے جیت کے بعد پاکستان نے 3 میچز کی سیریز میں ایک صفر کی برتری حاصل کرلی ہے۔