ٹرائی سیریزکاآغازآج سےہوگا،پاکستان اورافغانستان میں جوڑپڑےگا

ٹرائی سیریزکاآغازآج سےشارجہ میں ہوگا،جس کےافتتاحی میچ میں پاکستان اورافغانستان کی ٹیموں کےدرمیان جوڑپڑےگا۔
سہ فریقی ٹی ٹوئنٹی سیریز میں پاکستان، افغانستان اور متحدہ عرب امارات (یو اے ای) کی ٹیمیں مدمقابل ہوں گی،سیریزکاآغازآج سےشارجہ میں ہوگا۔
ٹرائی سیریزکےپہلےمیچ میں پاکستان اورافغانستان کی ٹیمیں مدمقابل ہوں گی،میچ مقامی وقت کےمطابق شام 7بجےشروع ہوگا۔
یادرہےکہ گزشتہ روز سہ فریقی سیریزکی ٹرافی کی رونمائی کی گئی جس میں تینوں ٹیموں کےکپتان نے شرکت کی، پاکستان ٹیم کے کپتان سلمان علی آغا، افغانستان کے کپتان راشد خان اور یو اے ای کے کپتان محمد وسیم کا ٹرافی کے ساتھ فوٹو شوٹ ہوا۔
قومی ٹیم کےکپتان سلمان علی آغاکاپریس کانفرنس کرتےہوئےکہناتھاکہ ہماری تیاری اچھی ہے،موجودہ پاکستانی ٹیم کے بارے میں سابق کھلاڑیوں کے خیالات سے اُنہیں اور ٹیم کو فرق نہیں پڑتا۔
افغانی ٹیم کےکپتان راشد خان کاکہناتھاکہ کئی ماہ سے ٹی 20 ٹورنامنٹس کھیلنے کا موقع نہیں ملا مگر اچھا پرفارم کریں گے ۔
سہ ملکی سیریز میں تینوں ٹیمیں ایک دوسرے سے 2، 2 میچز کھیلیں گی اور 7 ستمبر کو سیریز کا فائنل کھیلا جائے گا۔