ٹیم میں سرجری کے بیان پر حارث رؤف کا ردعمل
![](https://pakistantoday.tv/wp-content/uploads/2024/06/Mohsin-naqvi-Haris-rauf-905x400.jpg)
پاکستان کرکٹ ٹیم کے فاسٹ بولر حارث رؤف نے کہا ہے کہ ٹیم متحد ہے، چیئرمین پی سی بی کی سرجری کی بات کا علم نہیں ہے۔
چئیر مین پی سی بی سید محسن رضا نقوی کا بھارت کے خلاف پاکستان کی شکست پر اہم بیان سامنے آیا تھا جس میں انہوں نے کہا تھا کہ قومی ٹیم کو چھوٹی نہیں بڑی سرجری کی ضرورت ہے۔
نیویارک میں فاسٹ بولر حارث رؤف نے میڈیا زون میں بات چیت کرتے ہوئے کہا کہ پاکستان ٹیم نے ورلڈ کپ میں اچھی کرکٹ کھیلی، افسوس ہے کہ نتائج ہمارے حق میں نہیں رہے۔
حارث رؤف امریکی پچ پر بات کرتے ہوئے کہا کہ یہاں کی پچز ڈبل پیس طرز کی ہیں،جس پر بلے بازوں کے لیے مشکل ہے۔
انہوں نے ایک سوال کے جواب میں کہا کہ فلوریڈا میں بارش سے متعلق بات کی جا رہی ہے، موسم ہمارے ہاتھ میں نہیں میچ ہوا تو جیت کر آگے بڑھنا چاہیں گے۔