ٹیکساس: طوفانی بارشوں اورسیلاب کی تباہ کاریاں،82افرادہلاک

ٹیکساس میں طوفانی بارشوں اورسیلاب نےتباہی مچادی،مختلف حادثات میں28 بچوں سمیت 82افراد ہلاک ،متعددلاپتہ ہوگئے۔
غیرملکی خبررساں ایجنسی کی رپورٹ کےمطابق ٹیکساس کے مختلف علاقوں میں طوفانی بارشوں کے باعث بجلی کابڑاکریک ڈاؤن ہوگیاجس کی وجہ سےکئی علاقوں میں بجلی کانظام درہم برہم ہوگیاجبکہ سیلاب کے سبب مکانات، گاڑیاں کئی فٹ پانی میں ڈوب گئیں، درخت گرنے سے راستے بند ہوگئے جبکہ بارشں کے سبب پانی میں پھنسے لوگوں کو ہیلی کاپٹروں کے ذریعے نکالا جا رہا ہے ۔
غیرملکی میڈیاکےمطابق ٹیکساس میں طوفانی بارشوں اورسیلاب کےباعث سمرکیمپ میں موجود10لڑکیاں اورایک کونسلرلاپتہ ہوگئےجن کی تلاش جاری ہے۔
غیرملکی خبررساں ایجنسی کی رپورٹ کےمطابق گورنرٹیکساس کاکہناہےکہ وسطی ٹیکساس میں دریاکا بندٹوٹنےسےسیلاب نےزیادہ تباہی مچائی،مزیدسیلاب کے خدشےکےباعث لوگوں کومحفوظ مقام پرمنتقل کیاجارہاہے۔
دوسری جانب امریکی صدر ڈونلڈ ٹرمپ نے سیلاب سے متاثرہ ریاست ٹیکساس کی کیر کاؤنٹی کو آفت زدہ قرار دے دیا ہے۔