ٹیکنالوجی میں نئی جدت: بیٹری سے آزاد مستقبل کی جانب اہم پیشرفت

سائنس اینڈٹیکنالوجی کے شعبے میں نئی جدت،بیٹری سے آزاد مستقبل کی جانب اہم پیشرفت،سائنسدانوں نے جدید جنریشن کے پیرووسکائٹ سولر سیلز کا استعمال کرتے ہوئے کمرے کے اندر موجود روشنی سے توانائی کی پیداوار کا نیا ریکارڈ بنا دیا۔
یونیورسٹی کالج لندن (یو سی ایل) کے ماہرین کی ٹیم کے بقول یہ کامیابی ایک بیٹری سے آزاد مستقبل تک لے جا سکتی ہے، جہاں ریموٹ کنٹرول اور ہیڈفونز کو اطراف میں موجود مصنوعی روشنی سے چلایا جا سکے گا۔
یو سی ایل کے محققین نے کیمیکل روبیڈیم کلورائیڈ متعارف کروا کر ان ٹریپس کی کثافت کو کم کیا اور کمرے کے اندر موجود روشنی سے ریکارڈ توانائی پیدا کرنے میں بڑی کامیابی حاصل کر لی۔پیرووسکائٹ کو اس کی زبردست خصوصیات کی وجہ سے قابلِ تجدید توانائی میں انقلابی تبدیلی لانے کی صلاحیت رکھنے کی وجہ سے جانا جاتا ہے، یہ خصوصیات اس کو روایتی سیلیکون سولر سیلز کے مقابلے میں زیادہ مؤثر انداز میں روشنی کو بجلی میں بدلنے میں مدد دیتے ہیں۔
پیرووسکائٹ سولر سیلز کم قیمتی ہوتے ہیں اور ان کو آسانی کے ساتھ بنایا جا سکتا ہے، تاہم ماہرین کا کہنا ہے کہ ہائی ڈینسٹی ٹریپس کی وجہ سے چارج کے بہاؤ میں خلل آ سکتا ہے اور توانائی تپش کی صورت میں ضائع ہو سکتی ہے۔