پالیسی ریٹ میں دوفیصدکمی تاجروں،ایکسپورٹرزکیلئےخوش آئندبات ہے، وزیراعظم

وزیراعظم شہبازشریف نےکہاہےکہ پالیسی ریٹ میں دوفیصدکمی تاجروں اورایکسپورٹرزکیلئےخوش آئندبات ہے۔
وزیراعظم شہبازشریف کی زیرصدارت وفاقی کابینہ کااجلاس منعقدہوا،جس سےخطاب کرتےہوئے اُن کاکہناتھاکہ کل کرک میں انسدادپولیوٹیم پرحملےمیں ایک پولیس اہلکارشہید اوردوسرازخمی ہوا،پاکستان اورافغانستان کے سوا دنیا کے دیگرممالک میں پولیوکاخاتمہ ہوچکاہے۔پولیوکےخاتمےمیں رکاوٹیں ڈالی جاتی ہیں،جوانتہائی افسوسناک ہیں،انسدادپولیوورکرزدلیری کےساتھ مہم چلارہےہیں۔
وزیراعظم کامزیدکہناتھاکہ چنددن پہلےیونان میں کشتی ڈوبنےسے5پاکستانی جان سےگئے،ایسےواقعات سےبےگناہ جانیں ضائع ہوتی ہیں،جولائی 2023میں بھی کشتی حادثےمیں260پاکستانی جاں بحق ہوئے تھے۔
ملکی معیشت کےبارےمیں گفتگوکرتےاُ ن کاکہناتھاکہ پالیسی ریٹ میں دوفیصدکمی تاجروں اور ایکسپورٹرزکیلئےخوش آئندبات ہے،اس فیصلےسےہماری سرمایہ کاری بڑھےگی اورمعیشت کوبھی فائدہ ہوگا،2018کےبعدمہنگائی بھی کم ترین سطح پرآگئی ہے،یہ موقع ہےکہ پاکستان کی معیشت کوتیزی سےتر قی کی طرف لیکرجائیں،ہمیں سرمایہ کاری کوفروغ دیناہوگابیرون ملک سے سرمایہ کاری بھی خودآئیگی۔