پاکستان اورجنوبی افریقہ کے درمیان وائٹ بال سیریز کیلئے ٹکٹوں کی قیمتوں کا اعلان

پاکستان اور جنوبی افریقا کے درمیان وائٹ بال سیریز کے لیے ٹکٹوں کی قیمتوں کا اعلان کردیا گیا ۔
راولپنڈی میں جنرل انکلوژرز کی قیمت 400 روپے رکھی گئی ہے۔پہلے ٹی 20 کے وی آئی پی ٹکٹ کی قیمت 800 روپے ہے جبکہ پریمیئم 700 اور فرسٹ کلاس کی ٹکٹ 600 روپے ہے۔
لاہور میں دو ٹی ٹوئنٹی میچز میں جنرل انکلوژرز کی قیمت 400 روپے مقرر ہے۔ فرسٹ کلاس کی ٹکٹ 600، پریمیئم 700 اور وی آئی پی ٹکٹ 800 روپے میں دستیاب ہوں گے۔
فیصل آباد میں تین ون ڈے میچز کے ٹکٹ کی کم سے کم قیمت 400 روپے مقرر کی گئی ہے۔ اقبال سٹیڈیم میں وی آئی پی ٹکٹ کی قیمت 800 اور فرسٹ کلاس انکلوژرز کی قیمت 600 روپے، وی آئی پی گراؤنڈ فلور کی قیمت 3 ہزار روپے مقرر کی گئی ہے۔وائٹ بال سیریز کے ٹکٹوں کی فروخت آج سے شروع ہونی تھی جو اب 21 اکتوبر سے شروع ہو گی۔
واضح رہے کہ پاکستان اور جنوبی افریقا کے درمیان پہلا ٹی ٹوئنٹی 28 اکتوبر کو پنڈی سٹیڈیم، دوسرا اور تیسرا ٹی ٹوئنٹی قذافی سٹیڈیم میں 31 اکتوبر اور یکم نومبر کو کھیلا جائے گا جبکہ 3 ون ڈے میچز 4، 6 اور 8 نومبر کو فیصل آباد کے اقبال سٹیڈیم میں کھیلے جائیں گے۔