پاکستان فلسطین کےحق خودارادیت کی حمایت جاری رکھےگا،اسحاق ڈار

نائب وزیراعظم ووزیرخارجہ اسحاق ڈارنےکہاہےکہ پاکستان فلسطین کےحق خودارادیت کی حمایت جاری رکھے گا، اب  وقت آگیاہےکہ فلسطینی ریاست کواقوام متحدہ کی مکمل رکنیت دی جائے۔
اقوام متحدہ میں اسرائیل اورفلسطین کےلئےدوریاستی حل سےمتعلق کانفرنس کا انعقادفرانس اورسعودی عرب کی سربراہی میں کیاگیا۔جس سےخطاب کرتے ہوئےپاکستان کےنائب وزیراعظم ووزیرخارجہ اسحاق ڈارکاکہناتھاکہ پاکستان کانفرنس کی میزبانی پرسعودی عرب اورفرانس کوخراج تحسین پیش کرتاہے،مسئلہ فلسطین 75سال سےزائدعرصےسےحل طلب ہے،فلسطین کامسئلہ حل نہ ہونا صرف سیاسی ناکامی نہیں،اس کی اوربھی وجوہات ہیں،غزہ میں انسانوں کاقتل بین الاقوامی قوانین کی خلاف ورزی ہے،پاکستان فلسطین کےحق خودارادیت کی حمایت جاری رکھےگا،فلسطین ریاست کوتسلیم کرنےکےفرانس کےفیصلے کا خیر مقدم کرتےہیں۔
اسحاق ڈارکامزیدکہناتھاکہ اب وقت آگیاہےکہ فلسطینی ریاست کواقوام متحدہ کی مکمل رکنیت دی جائے،غزہ میں مستقل جنگ بندی اورخوراک کی فراہمی کویقینی بنایاجائے،غزہ میں جنگی جرائم پرقر ارواقعی سزاکو یقینی بنایاجائے،غزہ میں انسانیت کےخلاف جرائم کاسلسلہ بندکرایاجائے۔
واضح رہےکہ یواین جنرل اسمبلی نےگزشتہ سال فیصلہ کیاتھاکہ ایسی کانفرنس 2025میں ہونی چاہیے، کانفرنس رواں سال جون میں ہونی تھی مگرایران پر اسرائیلی حملےکےبعدملتوی کی گئی تھی۔

دوسری جانب امریکااوراسرائیل نےیواین کانفرنس کابائیکاٹ کیا۔
امریکی محکمہ خارجہ کاکہناتھاکہ کانفرنس غلط وقت میں بلائی گئی ،کوئی فائدہ نہیں ہوگا،کانفرنس امن کی تلاش کومشکل بنادےگی۔