پاکستان موسمیاتی تبدیلی سے سب سے زیادہ متاثر ہونے والا ملک ہے،جسٹس منصور

جسٹس منصورعلی شاہ نےکہاہےکہ پاکستان موسمیاتی تبدیلی سے سب سے زیادہ متاثر ہونے والا ملک ہے۔
اسلام آبادمیں عالمی ماحولیاتی تبدیلی کانفرنس سےخطاب کرتےہوئےسپریم کورٹ کےجج جسٹس منصورعلی شاہ کاکہناتھاکہ موسمیاتی تبدیلی کی اثرات شروع ہو چکے ہیں، ہمیں ان اثرات کو کم کرنے اور جان و مال کے نقصان کو کم کرنے کے لئے کام کرنا ہے،پانی، خوراک اور صحت موسمیاتی تبدیلی سے براہ راست متاثر ہو رہے ہیں، موسمیاتی تبدیلی دیگر مسائل کو جنم دے سکتی ہےقدرت اور اس میں موجود انسان دونوں ایک دوسرے پر منحصر ہیں۔ ہمیں بہتر ماحول کے لئے اپنی طرز زندگی کو تبدیل کرنا ہوگا ۔
اُن کامزیدکہناتھاکہ قرآن پاک میں بھی قدرت کی حفاظت پر زور دیا گیا ہے ،ہماری مذہبی تعلیمات پر غور کرنا چائیے قرآن پاک بیلنس اور سادہ زندگی پر زور دیتا ہے ،قرآن پاک میں عدل کی بات کی گئی ہے، ہمیں کلائمیٹ جسٹس کو سنجیدگی سے سمجھنا ہوگا،سب سے اہم مسئلہ کلائمیٹ فنانس کا ہے فنڈ کے متعین اور اس کے بہتر استعمال کے لئے پالیسی سازی پر تیزی سے کام کرنے کی ضرورت ہے،ہمیں بیرونی مدد پر انحصار نہیں کرنا چاہیے پاکستان کو کلائمیٹ چینج سے سخت مشکلات کا سامنا کرنا پڑ سکتا ہے۔
جسٹس منصورعلی شاہ کاکہناتھاکہ اسلامک ڈویلپمنٹ بینک کی جانب سے بھی موسمیاتی تبدیلی سے نمٹنے کے لئے فنڈز کا اعلان کیا گیاہے دیگر اسلامی بنک اور مسلم ممالک اس اہم مسئلے پر فنڈز جاری کرتے ہیں،ہمیں اپنی پالیسی بہتر بنا کر قابل اور ایکسپرٹس کی مدد سے اس مسئلے کو سمجھنا ہوگا،کلائمیٹ چینج فنڈ کوئی خیرات نہیں بلکہ انسانی زندگی کی بہتری اور آسانی کے لئے اہم سرمایہ سمجھا جائے، وہ ممالک جن کا موسمیاتی تبدیلی میں کردار کم ہیں وہ سب سے زیادہ متاثر ہیں۔
اُن کامزیدکہناتھاکہ ہم تیس سال سے موسمیاتی تبدیلی پر بات کر رہے ہیں، لیکن ہم نے اب تک کیا پایا؟ کوئی کامیابی ملی؟ ہم پالیسیز بناتے ہیں اس پر عمل در آمد نہیں کرتے اسی لئے نتائج نظر نہیں آتے،پاکستان کی عدلیہ موسمیاتی تبدیلی کے اثرات سے نمٹنے اور گلوبل وارمنگ کی روک تھام کے لئے حکومت اور دیگر اداروں کے ساتھ مل کر کم کرنے کے لئے پر عظم ہے۔