پاکستان میں اوبر کی ایپ بند، صرف کریم چلے گی

آن لائن ٹیکسی سروس کمپنی اوبر نے پاکستان میں اپنا آپریشن بند کرنے کا فیصلہ کرلیا، جبکہ اوبر کی ذیلی سروس کریم آن لائن ٹیکسی ایپ کام کرتی رہے گی۔

تفصیلات کے مطابق اوبرکےترجمان کا کہنا ہے کہ ہماری ذیلی سروس کریم آن لائن ٹیکسی ایپ پاکستان بھر میں کام کرتی رہے گی، جو پاکستان میں ہزاروں ڈرائیوروں کیلئے کمائی کا ذریعہ ہے۔2019 میں اوبر نے کریم کو 3 ارب 10 کروڑ ڈالرز میں خریدا تھا۔ اس وقت بتایا گیا تھا کہ کریم اور اوبر خطوں میں کام خودمختار برانڈز کے طور پر کام کریں گے۔

اوبر نے 2022 میں کراچی، ملتان، فیصل آباد، پشاور اور اسلام آباد میں اپنے آپریشنز بند کرنے اور اسے لاہور تک محدود رکھنے کا فیصلہ کیا تھا۔ اب لاہور میں صارفین کو بھیجی گئی ایک ای میل میں اوبر نےرواں ماہ سے لاہور میں بھی اپنا آپریشن بند کرنے کا اعلان کر دیا ہے۔

ای میل میں کہا گیا ہے کہ اگر آپ کے اوبر والیٹ میں اوبر کیش بیلنس ہے تو اس مسئلے کا جلد حل کیا جائے گا۔ کمپنی نے اوبر کی ایپ بند کرنے کا اعلان کرتے ہوئے کریم ایپ پر صارفین کیلئے 50 فیصد رعایت کی آفر بھی دی ہے۔