پاکستان کیلئےملائیشین ایئرلائن جلد فلائٹ آپریشن شروع کرے گی

فضائی مسافروں کیلئے خوشخبری،پاکستانی ہوابازی کے شعبے کیلئے اچھی خبر سامنے آگئی۔ملائیشین ایئرلائن جلد پاکستان کیلئے فلائٹ آپریشن شروع کرے گی۔
تفصیلات کے مطابق ملائیشیا کی ایک اور نئی ایئرلائن نے پاکستان کیلئے فلائٹ آپریشن شروع کرنے کا اعلان کر دیا۔ ایئرایشیا ایئرلائن مئی 2025 سے کراچی کیلئے پروازیں آپریٹ کرے گی۔سول ایوی ایشن اتھارٹی نے ایئرایشیا کو فلائٹ آپریشن کی اجازت دیدی۔
سول ایوی ایشن ذرائع کے مطابق ایئرایشیا 30مئی سے کراچی کیلئے پروازیں شروع کررہی ہے۔ابتدائی طور پر ایئرایشیا ہفتہ وار 4 پروازیں کراچی سے کوالالمپور کے درمیان چلائے گی، نئے فلائٹ آپریشن کے آغاز سے ملائیشیا جانیوالے پاکستانی مسافروں کو سہولت میسرآئے گی۔