عیدالفطرکب ہوگی؟ مصری اور اماراتی ماہرین فلکیات کی پیشگوئیاں

عیدالفطرکب ہوگی؟اس مرتبہ روزے 30 ہوں گے یا 29؟ عید الفطر کی ممکنہ تاریخ سامنے آگئی۔
مصری اور اماراتی ماہرین فلکیات نے عید الفطر کی ممکنہ تاریخوں کے حوالے سے اپنی پیشگوئیاں کر دیں۔
مصری قومی فلکیاتی ادارے کے مطابق دنیا کے 30 شہروں میں 29 مارچ کو شوال کا چاند نظر آنے کا امکان ہے، ان شہروں میں مکہ مکرمہ، مدینہ منورہ، ریاض، انقرہ، تہران، مسقط، کراچی، لندن، ماسکو اور اوٹاوہ شامل ہیں۔
عرب میڈیا کے مطابق مصر کے نیشنل انسٹی ٹیوٹ فار آسٹرنومیکل اینڈ جیو فزیکل ریسرچ نے پیشگوئی کی ہے کہ مصر میں رمضان المبارک 29 دن کا ہوگا، آخری روزہ ہفتہ 29 مارچ کو ہوگا اور عید الفطر اتوار 30 مارچ کو منائی جائے گی۔
دوسری جانب اماراتی آسٹرونومی سوسائٹی کے حکام کا کہنا ہے کہ فلکیاتی حسابات کے مطابق عید الفطر 30 مارچ اتوار یا 31 مارچ پیر کو ہوسکتی ہے۔
ان کے مطابق امارات میں شوال کا چاند 29 مارچ کو دوپہر 2:58 بجے پیدا ہوگا، لیکن سورج غروب ہونے تک چاند کی عمر صرف 3 گھنٹے ہوگی، جس کے باعث اسے دیکھنا مشکل ہوگا، اگر چاند نظر نہ آیا تو عید الفطر 31 مارچ پیر کو ہوگی۔