پی ایس ایکس میں ریکارڈ توڑ ہفتہ، ہر روز انڈیکس نے نیا سنگِ میل عبور کیا

پاکستان اسٹاک مارکیٹ میں ریکارڈتوڑہفتہ،پی ایس ایکس میں ایک ہفتے میں 4347 پوائنٹس کا اضافہ ہوا۔
پاکستان اسٹاک ایکسچینج میں گزشتہ ہفتہ کاروباری تاریخ کا ایک یادگار اور تاریخ ساز ہفتہ ثابت ہوا، جہاں 100 انڈیکس نے مسلسل ہر دن نئی بلند ترین سطح حاصل کی۔
ہفتہ وار کارکردگی کے مطابق PSX 100 انڈیکس میں مجموعی طور پر 4347 پوائنٹس کا اضافہ ریکارڈ کیا گیا اور انڈیکس 145,382 پوائنٹس پر بند ہوا۔ دورانِ ہفتہ انڈیکس 5372 پوائنٹس کے بینڈ میں ٹریڈ ہوتا رہا۔
100 انڈیکس کی ہفتہ وار بلند ترین سطح 146,813 جبکہ کم ترین سطح 141,440 ریکارڈ کی گئی۔اس عرصے کے دوران حصص بازار میں 3.26 ارب شیئرز کے سودے ہوئے، جن کی مالیت 233.9 ارب روپے رہی۔
مارکیٹ کیپٹلائزیشن میں بھی نمایاں اضافہ دیکھنے میں آیا، جو 435 ارب روپے کے اضافے سے بڑھ کر 17,342 ارب روپے تک جا پہنچی۔