پی سی بی کا خواتین کرکٹرز کیلئے سینٹرل کنٹریکٹ 2025-26 کا اعلان

پاکستان کرکٹ بورڈ(پی سی بی) نے خواتین کرکٹرز کے لیے سینٹرل کنٹریکٹ 2025-26 جاری کر دیا۔
آئی سی سی ویمنز ٹی 20 رینکنگ میں نمبر ون بولر سعدیہ اقبال کو کیٹگری اے میں شامل کیا گیا ہے۔ابھرتی ہوئی کھلاڑیوں کے لیے نئی ایمرجنگ کیٹگری متعارف کروائی گئی ہے۔
ابھرتی کھلاڑیوں کیلئے ایمرجنگ کیٹیگری متعارف،نوجوان کرکٹرز ایمان فاطمہ اور شوال ذوالفقار کوایمرجنگ کیٹگری میں شامل کرلیاگیا۔تمام کیٹیگریز میں پلیئرز کے معاوضوں میں 50 فیصد اضافہ کیاجائےگا۔خواتین کے 20 کھلاڑیوں کو پانچ کیٹیگریز میں کنٹریکٹس دیے گئے۔

کیٹیگری اے میں فاطمہ ثنا، منیبہ علی، سعدیہ اقبال، سدرہ امین شامل جبکہ کیٹیگری بی میں عالیہ ریاض، ڈیانا بیگ، نشرا سندھو شامل ہیں۔
کیٹیگری سی کا کنٹریکٹ رمین شمیم کو ملا،کیٹیگری ڈی میں گل فیروزہ، نجیہ علوی، ناتالیہ پرویز، عمائمہ سہیل، صدف شمس، سدرہ نواز، عروب شاہ، طوبیٰ حسن، ام ہانی اور وحیدہ اختر شامل ہیں۔