پی ٹی آئی نےشیرافضل مروت کی پارٹی رکنیت ختم کردی

تحریک انصاف نےشیرافضل مروت کی پارٹی رکنیت ختم کردی،نوٹیفکیشن جاری کردیاگیا۔
تحریک انصاف نے باضابطہ نوٹیفکیشن جاری کردیا۔
نوٹیفکیشن کےمطابق شیر افضل مروت کو پاکستان تحریک انصاف سے نکال دیا گیاہے،شیر افضل مروت کو نوٹس بھیجا گیا تھا کہ وہ اپنے بیانات پر محتاط رہیں۔

پی ٹی آئی ایڈیشنل سیکرٹری جنرل فردوس شمیم نقوی کاکہناہےکہ ان کے بیانات، میڈیا سے گفتگو ،ٹویٹس سے متعلق ایک کمیٹی بنائی گئی تھی،کمیٹی اس نتیجے پر پہنچی ہے کہ شیر افضل مروت پارٹی کے ضوابط اور اصولوں کا احترام نہیں کرتے،شیر افضل مروت خود کو پارٹی قوانین سے بالاتر سمجھتے ہیں، جس کے نتیجے میں پارٹی کی ساکھ اور بیانیے پر بُرا اثر پڑا۔
فردوس شمیم نقوی کامزیدکہناہےکہ کمیٹی کی تحقیقاتی رپورٹ اور ان کے حالیہ بیانات اور موصولہ شکایات کی بنا پر کمیٹی نے ان کی رکنیت کی منسوخی کی سفارش کی ہے،شیر افضل مروت کی بنیادی رکنیت ختم کرنے کی منظوری بانی چیئرمین نے دی ہے۔کمیٹی سمجھتی ہے شیر افضل مروت باعزت انسان ہیں انہیں قومی اسمبلی کی نشست سے استعفیٰ دے دینا چاہیے، شیرافضل مروت نے پی ٹی آئی کے نامزد امیدوار کے طور پر نشست جیتی تھی انہیں الیکشن لڑنا چاہیے۔