چیمپئنزٹرافی:بڑےٹاکرےمیں بھارت نےپاکستان کو6وکٹوں سےہرادیا

انٹرنیشنل کرکٹ کونسل (آئی سی سی )چیمپئنزٹرافی کےہائی ولٹیج میں میچ پاک بھارت ٹاکرےمیں بھارت نےپاکستان کو6وکٹوں سےشکست دےدی۔
دبئی کےانٹرنیشنل کرکٹ سٹیڈیم میں کھیلےگئےآئی سی سی چیمپئنزٹرافی کےہائی ولٹیج میچ میں پاکستان اوربھارت کی ٹیمیں مدمقابل تھیں،پاکستان نےپہلےبیٹنگ کرتے ہوئے49.4اوورزمیں 241رنزبنائے۔ہدف کےتعاقب میں بھارتی ٹیم نے 42.3 اوورز میں پاکستان کو6وکٹوں سےشکست دےدی،پاکستان کی نہ بیٹنگ چلی،نہ فیلڈنگ کام آئی اورنہ ہی بولنگ کاجادوچلا۔
بھارت کی اننگز:
بھارت کی جانب سےاننگزکاآغازکپتان روہت شرمااور شبھمن گل نے کیا بھارت کوپہلانقصان روہت شرماکی وکٹ کی صورت میں اٹھاناپڑا۔وہ شاہین آفریدی کی بول پر20سکوربناکر31کےمجموعےپروکٹ گنوابیٹھے۔
بھارتی بلے باز شبھمن گل بھی 100کےمجموعےپر 45 رنز پر بناکرکلین بولڈہوئے۔پھرویرات کوہلی اور شریاس ائیر نے عمدہ کھیل کامظاہرہ کیادونوں نے 114 رنز کی شراکت داری قائم کی تاہم 214 کے مجموعی پر 56 کے انفرادی اسکور پر شریار بھی پویلین لوٹ گئے۔
پھر ہاردک پانڈیا کریزپرآئےلیکن وہ زیادہ کامیاب نہ ہوسکےوہ بھی8 رنزبنا کر 223 کےمجموعی پروکٹ گنوابیٹھے۔
بھارتی بلےبازویرات کوہلی نےپاکستان کےخلاف سنچری سکوربنائےانہوں نےبھارت کی جیت میں کافی کرداراداکیا۔
پاکستان کی جانب سےشاہین آفریدی نے2کھلاڑیوں کوپویلین کی راہ دیکھائی جبکہ ابرار احمد اور خوشدل شاہ نے ایک ایک وکٹ حاصل کی۔
پاکستان کی اننگز:
پاکستان کی جانب سے اننگز کا آغازامام الحق اوربابراعظم نےکیا۔پاکستان کو پہلانقصان مایاناز بلےباز بابراعظم کی صورت میں اٹھاناپڑاجب وہ 41کے مجموعے پر23رنز بناکرہاردک پانڈیا کی گیند کا شکار بنے،پھرسعودشکیل میدان میں آئےمگرکچھ ہی دیربعدامام الحق بھی رن آؤٹ ہوکرپویلین لوٹ گئے، امام الحق 10 رنز بناکر47کےمجموعےپر رن آؤٹ ہوئے۔
پھرقومی ٹیم کےکپتان محمدرضوان اورسعودشکیل نےمیدان سنبھالا۔دونوں نے ذمہ دارانہ کھیل کامظاہرہ کیا، دونوں نےٹیم کواچھاسکورفراہم کیا،قومی ٹیم کےکپتان محمدرضوان 151کے مجموعےپر 46رنزبناکروکٹ گنوابیٹھے۔پھرسلمان علی آغا گراؤنڈمیں آئے۔سعودشکیل بھی159کے مجموعے پر62رنز بناکرپویلین لوٹ گئے۔
طیب طاہر کریزپر آئےلیکن وہ ناکام رہےصرف 4سکوربناکر 165کے مجموعے پرآؤٹ ہوکرواپس پویلین لوٹ گئے۔خوشدل شاہ گراؤنڈمیں آئے۔سلمان علی آغا19رنزبناکر200کےمجموعےپروکٹ گنوابیٹھے ،پھر شاہین آفریدی کریز پر آئے جوکےآتےساتھ ہی بغیرکھاتہ کھولے صفر پر200کے مجموعے پرآؤٹ ہوکر پویلین لوٹ گئے۔
پھرنسیم شاہ کریزپرآئےوہ بھی زیادہ کامیاب نہ ہوسکے صرف 14سکور بناکر 222 کے مجموعےپرآؤٹ ہوگئے،ان کےآؤٹ ہونےکےبعدحارث رؤف گراؤنڈمیں آئےوہ بھی زیادہ کامیاب نہ ہوئے صرف 8رنز بناکر241کےمجموعےپرآؤٹ ہوگئے۔پاکستان کی جانب سےخوشدل شاہ آخری کھلاڑی آؤٹ ہوئےجوکہ 38رنزکی شانداراننگرکھیل کرپویلین لوٹ گئے۔جبکہ ابرارناٹ آؤٹ رہے۔
بھارت کی جانب سے کلدیپ یادو نے 3، ہاردک پانڈیا نے 2، رویندرا جڈیجا، ہرشیت رانا اور اکشر پٹیل نے ایک، ایک وکٹ حاصل کی۔
ٹاس:
قبل ازیں پاکستان ٹیم کےکپتان محمدرضوان نےٹاس جیت کرپہلےبیٹنگ کرنےکافیصلہ کیا۔
پاکستان کا سکواڈ:
پاکستانی سکواڈ میں کپتان محمد رضوان، امام الحق، بابر اعظم، سعود شکیل، سلمان علی آغا، طیب طاہر، خوشدل شاہ، شاہین آفریدی، نسیم شاہ، حارث رؤف اور ابرار احمد شامل ہیں۔
بھارت کا سکواڈ:
انڈیا کی ٹیم میں کپتان روہت شرما،شبمن گل، ویرات کوہلی، شریاس ایئر، اکثر پٹیل، کے ایل راہول، ہارڈک پانڈیا، روندرا جدیجا، ہرشت رانا، محمد شامی اور کلدیپ یادیو شامل ہے۔
واضح رہےکہ ایونٹ کی رنگارنگ رونکیں 19فروری سےشروع ہوکر9مارچ کواختتام پذیرہونگی۔پاکستان 29 سال بعد آئی سی سی ایونٹ کی میزبانی کررہاہے،پاکستان چیمپیئنز ٹرافی کا دفاعی چیمپئن بھی ہے۔2017 میں سرفراز احمد کی قیادت میں پاکستان ٹیم نے چیمپئنز ٹرافی کا ٹائٹل اپنے نام کیا تھا۔