چین میں کلاؤڈ برسٹ:شاندار مناظر کیمرے کی آنکھ میں محفوظ ہوگئے

چین کے شہر شیان میں اچانک کلاؤڈ برسٹ ہوا، جس کے مناظر کیمرے کی آنکھ نے محفوظ کر لیے۔
مقامی ویڈیوگرافر یو یونگ ہوئی نے اس شاندار منظر کو اپنے کیمرے میں محفوظ کیا۔ انہوں نے 10 منٹ تک چھت سے ٹائم لیپس فوٹیج ریکارڈ کی اور پھر اسے ایک شاندار 10 سیکنڈ کی مختصر ویڈیو میں سمو دیا، جو سوشل میڈیا پر تیزی سے وائرل ہو رہی ہے۔ویڈیوز اور فوٹیج میں دیکھا جا سکتا ہے کہ اچانک سیاہ بادلوں سے موسلا دھار بارش کا سیلابی ریلا زمین پر برستا ہے اورماحول شاندار اور دنگ کر دینے والا مناظر پیش کرنے لگتا ہے۔
ماہرین موسمیات کے مطابق کلاؤڈ برسٹ بارش کی ایک غیر معمولی اور شدید شکل ہے، جس میں قلیل وقت میں انتہائی زیادہ بارش ہو جاتی ہے، اس کے نتیجے میں زمین فوری طور پر پانی جذب نہیں کر پاتی، جس سے پہاڑی علاقوں میں فلیش فلڈ اور لینڈ سلائیڈنگ کے حالات پیدا ہو جاتے ہیں۔