چین کا کارنامہ :دنیا کا پہلا مکمل طور پر ماڈیولر اور ذہین روبوٹ متعارف

روبوٹس کی دنیا میں چین کانیااور حیرت انگیز کارنامہ، دنیا کا پہلا مکمل طور پر ماڈیولر اور ذہین روبوٹ متعارف کروا دیا۔
چین کا یہD1 نامی روبوٹ اپنے پاؤں اور پہیے بدل کر چلنے کی صلاحیت رکھتا ہے اور مشکل راستوں پر 100 کلو گرام تک وزن اٹھا کر چل سکتا ہے۔ڈی ون نامی روبوٹ ایک چارج پر 25 کلو میٹر تک سفر کر سکتا ہے۔ اس روبوٹ کو فیکٹریوں، فوجی مشنز، ایمرجنسی، ریسکیو اور خراب موسم میں استعمال کیا جا سکتا ہے۔
چینی کمپنی نے دنیا کے پہلے مکمل طور پر ماڈیولر اور ذہین روبوٹ کی ایک حیران کن ویڈیو بھی جاری کی ہے، جس میں دیکھا جا سکتا ہے کہ یہ روبوٹ باآسانی دشوار گزار راستوں پر چلنے کیساتھ اونچی نیچی پہاڑیوں کو بھی عبور کر سکتا ہے۔
مصنوعی ذہانت سے لیس یہ روبوٹ اپنے چاروں پہیہ نما پاؤں کو ناصرف عمودی اور افقی ، بلکہ متوازی طور پر حرکت دے سکتا ہے ۔اس کیساتھ پانی کی سطح پر بھی چل سکتا ہے اورڈھلوانوں کو بھی باآسانی عبورکر سکتا ہے ۔